Quoniam ea que in humanis fiunt rebus vel longi decursus temporis a memoria abstergit hominum vel calumpniatorum plerumque couturbant insidie, necessarium est, ut scriptis vel testibus inviolabile accipiant firmamentum. Nos itaque Trosto dei gratia prepositus, Chunr. decanus totusque conventus ecclesie sancti Georii in Herczogenburga, eodem cautionis genere racionabiliter uti volentes, universis Christi fidelibus tam presentibus quam futuris hanc paginam intuentibus fieri cupimus manifestum, quod communicato proborum ac sapientum virorum consilio, matura deliberacione prehabita et unanimi consensu cum reverendis in Christo patribus, dominis et amicis nostris karissimis, dominis Hainr. venerabili preposito, Syfrido decano totoque capitulo ecclesie sancti Ypoliti de predio suo, videlicet de una area in Anczenperg, de qua servit Uelricus dictus Spoerlaer annuatim in festo Michahelis XL denarios wiennensis monete et I anserem et duos pullos et in carnisbrivio unum pullum et in pascha duos caseos et XXX ova, et de una domo in civitate Ypolitensi in Strata cultellatorum, de qua Chunr. institor servit XX denarios eiusdem monete annuatim in die sancti Ypoliti, iure convenimus concambii, eo tenore ut ipsi de nostro predio duas areas in Oeczeinstorf, de quarum una Velr. textor ibidem servit in die sancti Michahelis XXXa denarios predicte monete et unum anserem et duos pullos et in pascha duos caseos et XXX^a ova, de secunda servit dictus Perntalaer eciam Michahelis XX denarios eiusdem monete, pleno iure, velut^b nos hucusque possedimus, perenniter^c debeant possidere. Nos vero et ecclesia nostra memoratam aream in Anczenperg et dictam domum in civitate Ypolitensi eo iure quo ipsi possederunt, possidere perpetuo debeamus, tali eciam conditione interposita, quod obligamus nos eisdem dominis et sue ecclesie sub ypoteca rerum nostrarum secundum communem formam utriusque iuris, si necessarium fuerit, ab omnibus impetitionum insultibus assig natos ipsis a nobis redditus defensuros. Ne igitur huiusmodi contractus^d legittime celebratus processu temporis valeat occasione qua libet in irritum revocari, sed maneat in posterum^e inconvulsus, presentes literas conscribi fecimus et sigillorum nostrorum munimine in evidens testimonium huius rei firmiter iussimus roborari. Datum in Herczogenburga, anno domini millesimo trecentesimo XXIIII, XV. kalend. iunii.

Source Fulltext: LAMPEL, Urkunden Sanct Pölten (=FRA I, Wien 1981) S. 272-273