Echte Urkunde:||
Wier Ru^edolf der vierd von gotes genaden herzog ze O^estereich ze Steyr und ze Chernden herr ze Chrain auf der Marich und ze Portnawe graf ze Habspu^erch ze Phiert und ze Kybu^erch marich graf ze Purgawe und lantgraf in Elsazz verjehen und tuen chunt offenleich mit disem prief, das uns di erbern und geistleichen probst U^elreich von Sand Poelten und sein sammung des ordens sand Augu steins^a chorherren Pazzawer pistum vleizzichleich paten, das wier unser chirichlehen^b der pharr ze Sand Stephan ze Recz vor der stat genædichleich geruechten mit in aus ze wechseln, darumb das in i^er zehent und ander guelt di si und i^er gotshaus in der selben pharr habent dest nueczleicher ge vallen moechten, haben wier an gesehen ier andacht und noetduerft iers gotshauses und haben in durich got ze vodrist und auch durich ierr vleiz zigen pet willen das egenant chirichlehen^c ze Recz, das unser was, gegeben lauterleich in wechsels weis und geben fuer uns, unser prueder und eriben umb die lehenschaft der zwaier pharrchirichen ze Sand Czenen pei Hohenekk und ze Charlsteten, di von in und ierm gotshaus ze lehen waren, als wier des ier sunder prief haben, di der erwierdig bischolf Goetfrid von Pazzawe bestætet hat; da von haben wier uns verzigen gaenzleich und verzeichen auch fuer uns, unser prueder und eriben aller rechten die wier hatten zu dem obgenanten chirichlehena ze Recz und wellen, das ez fuerbas ewichleich beleib und zue gehoer dem egenantem probst und den chorherren ze Sand Po^elten und iern nach koemen,^d also das si di egenanten chirichen ze Recz, als oft si ledig wiert, geleihen oder an iern tisch vermachen muegen, wie in und ierm gotshaus das aller pest choem. Und sein auch wie unser prueder und eriben des ier gewer und scherm für all ansprach. Auch sein wier uenser brueder und eriben und nieman ander der selben chirichen ze Recz obrister vogt als anderr gotshæuser in unserm land. Mit uerchuend dicz priefs der gegeben ist ze Wienn, an sand Marien Magdalen tag, nach Christes gepu^erd dreuzehen hundert jar, darnach in dem ain und sechzigistem jar, unsers alters in dem zwai und zwainzigisten und unsers gewaltes in dem vierden jar.¹||
† Wier der vorgenant herzog Ru^edolf sterkchen diesen prief mit dirr underschrift unser selbs hant. † ||
Et nos Johannes dei gracia Gurcensis episcopus prefati domini nostri ducis primus cancellarius recognovimus prenotata.||
||
Fälschung:²||
Wir Rudolf der vi^erd von gotes genaden herzog ze O^esterreich ze Steyr und ze Kernden herr ze Krain auf der March und ze Phîrtt und ze Kyburch‚ marichgraf ze Purgawe und lantgraf in in Elsazz vergehen und tun chu^end offenlich mit dem brief, daz uns die erbern und geistlichen probst Vlreich von Sand Po/elten und sein sammung des ordens sand Augustins chorherren in Pazzauer bistum vlizzichlich^a paten, daz wir in unser chirhenlehen der pharr ze sand Stephan ze Rëtz vor der stat von gnaden geru^echten ze geben genzlich durch got ze hilf irr grozzen schêden, di si von der prunst und chriegs wegen der land und von des sterbs wegen manichvaltichlich hieten geno^emen, und ermanten uns als verr mit chuntschaft., ob wir in nicht ze hilfe chêmen, daz ir chloster von derselben schêden wegen wer verdorben.¹ Nu haben wir angesehen ir andacht und notdu^erft irs gotzhau^es und ir teglich gastung, damit dasselb gotzhau^es gro^ezlich beswêrt ist‚ und haben in durch got ze vorderist und auch irr vleizziger pet willen und zu ainer ergetzung irr schêden daz egenant chirhenlehen ze Retz‚ daz unser waz‚ gegeben und geben in auch daz mit dem brief fu^er uns und unser pru^eder und erben und haben uns auch verzigen gënzlich und verzeihen uns fu^er uns und unser pru^eder und erben aller rechten, di wir hetten zu dem obgenanten chirhenlehen ze Retze und wellen, das es ewichlich beleib und zu^egeho^er dem egenanten probst und den Chorherren datz Sand Po^elten und allen irn nachko^emen‚ also daz si die egenanten chirhen ze Retze als oft di ledig wirt geleihen oder an irn tisch vermachen mo^egen, wie in und irm gotzhaus das allerpest cho^em. Und sein auch wir unser pru^eder und erben des ir gewer und scherm fur all ansprach. Auch sein wir unser pru^eder und erben und niemant ander derselben chîrhen ze Retze obrister vo^egt als anderr gotzhau^eser in unsern landen. Mit u^erchund des briefes der geben ist ze Wienn, an sand Marie Magdalentag, nach Christi gepu^erde dreuzehen hundert jar darnach in dem ainn und sechzigistem jare und unsers alters in dem zwai und zwainzigisten jar und unsers gewaltes in dem vi^erden jar.

Source Fulltext: LAMPEL, Urkunden Sanct Pölten (=FRA I, Wien 1981) S. 518-521