Nos Paulus dei gracia episcopus Ffrisingensis presentibus profitemur et constare volumus presencium inspectoribus universis, quod suborta iam dudum inter venerabiles viros dominos . .a monasteriorum sanctib Floriani ac sanctib Ypoliti prepositos ordinis sanctio Augustini Pataviensis dyocesis suorum ac eorundem monasteriorum nominibus ex una et nos‚ nostro ac ecclesie nostre nomine ex parte altera super solucione decimarum de vineis nostris in et prope Weizzenkirchen et alibi in Bachoviac situatis gravi materia questionis secutisque exinde multiplicibus hinc inde displicenciis, in animis nostris utrimque pia meditacione revoluimus, quod dissensiones et discordie rancores et odia suscitant et illicitis motibus ausum^d prebent, advertentes quoque, quod ad^e divini nominis cedit gloriam, ut precisis radicitus dissidiorum vepribus et litigiorum amfractibus omnino subductis interecclesiarum prelatos ad curam gregis dominici deputatos pacis tranquillitas vigeat, fervor caritatis exestuet, invalescat concordie unitas et animorum ydemptitas perseveret. Hiis igitur accensi considerazionibus de communi consensu et spontanea voluntate in reverendum in Christo patrem dominum Petrum episcopum Marcopolensem ac honorabilem virum dominum Nicolaum Lacher^f canonicum Strigoniensem ac reverendi in Christo patris . .^g archiepiscopi Strigoniensis prothonotarium decretorum^h doctorem et dilectum in Christo Nicolaum prepositum Montis sancti Virgilii in Frisaco Saltzburgensis dyocesis curie nostre prothonotarium tamquam in arbitros etⁱ arbitrators ac^j amicabiles compositores compromisimus^k modo et forma quibus melius valuimus, promittentes ex parte utraque nos ratum et gratum habituros quidquid per prefatos arbitros arbitratores ac amicabiles compositores, summaria inter nos cognicione premissa‚ super prefatis discordiis litibus ac dissensionibus^l et connexis illis vel dependentibus ab eisdem et quibuslibet earundem occasione dictis factis seuperpetratis utrimque dicerent laudarent vel pronunciarent verbo sive scripto sub quibusvis penis per eosdem in suo laudo vel arbitrio adiciendis. Dicti quoque arbitri^m arbitratores seu amicabiles compositores pro bono pacis et concordie huiusmodi compromissum in se sponte assumentes‚ auditis summarie singulis que quelibet parcium voluit vel habuit proponere coram eis, pronunciaverunt dixerunt et laudaverunt, quod de omnibus litibus discordiis controversiis et dissensionibus predictis et de connexis earundem ac dependentibus ab eisdem inter nos inantea sitⁿ ac esse debet, plena concordia nec questiones vel lites predicte vel earum aliqua amplius in iudicio vel extra iudicium verbo vel facto debeant refricari, ordinantes nichilominus inter nos, ut deinceps nos vel episcopus Ffrisingensis, qui pro tempore fuerit, imperpetuum de vineis predictis decem vasa vini, quorum quodlibet esse debet de urnis viginti‚ colliget recipiet ac de ducet libere sine omni decima seu decimacione; totum vero vinum residuum, quod deductis prefatis decem vasis de prefatis vineis obvenerit, plene ac integre absque omni diminucione decimam persolvet vel faciet ac mandabit persolvi. Pars vero que prefatis laudo ac pronunciacioni non paruerit cum effectu vel in aliquo contravenerit parti alteri, nomine pene in centum libris denariorum^o wiennensium^p sit obligata, quas eciam infra unius mensis spacium eidem cum in tegritate persolvet, per reverendum in Christo patrem . . episcopum Pataviensem, cui nos utrimque hoc casu submisimus ac submittimus per presentes ad solucionem huiusmodi faciendam, conpellenda ecclesiasticam per censuram. Nos vero prefatos laudum sentenciam ac pronunciacionem ratos gratos habentes et acceptos promittimus pro nobis et successoribus nostris laudo pronunciacioni et sentencie prefatis perpetuis parere temporibus et illis verbo vel facto non contraire. In quorum omnium testimonium presentes ipsis tradimus litteras nostri sigilli munimine roboratas. Datum Wienne, anno domini millesimo trecentesimo sexagesimoquarto, quarta die mensis novembris.

Source Fulltext: LAMPEL, Urkunden Sanct Pölten (=FRA I, Wien 1981) S. 599-601