Ich Hainreich der Huglinger von Hessendorf, ich Hainreich sein sun, ich Wulfinch der Huglinger sein prueder und all unsereriben tuen chunt allen den di den brief an sehent oder hoernt lesen, di nu lebent und hernach chuemftig sind, das wier mit gueter vorbetrachtung, mit guetleichem willen, ze der zeit do wier es mit recht wol getuen mochten und mit unsers rechten lehenhern hant des durchleuchtigen fuersten herzog Ru^edolfs ze Oesterreich ze Steyer ze Kern den und ze Krain graf ze Tyrol, recht und redlich verchouft haben unsers rechten lehens daz wier von im haben, unsern paungarten der gelegen ist in der Wochawe zwischen Jewching und Wochawe ze nachst Chuenrats paungarten von Wochawe, umb aecht und vierzigk phunt wienner phenning der wier genzlich verricht und gewert sein, dem ersamen Chuenraten dem schutzenmaister ze den zeiten des erwierdigen herren des probsts diener von Sand Poelten und allen seinen eriben fuerbas ledichleich und vreileich ze haben und allen iern frumen da mit ze schaffen, verchoufen, versetzen und geben wem si wellen an allen chrieg und ierrsal; auch sein wier des ier recht gewer und scherm fuer alle ansprach, als lehens und des landes recht ist in Oesterreich. Get in fuerbas daran icht ab mit recht oder ob si icht chrieg oder ansprach daran gewunnen von wem das wêr, daz schullen wier in alles auzrichten ablegen und widercheren und schullen si das haben auf uns unverschaidenlich und auf alle dem guet, daz wier haben in dem land ze Oeesterreich oder wo wier das haben, wier sein lebentig oder tod. Das ze uerchuend geben wier ich obgenanter Hainreich der Huglinger und ich Hainreich sein sun und ich Wulfinch der Huglinger sein prueder den brief versigelt mit unsern insigeln und mit hern Goerigen insigel von Goetzenstorf und mit Jansen des Zauchinger insigel, di wier des vleizziglich^a gepeten haben, daz si der sach zeugen sind mit iern insigeln. Der brief ist geben nach Christes gepu^erd dreuzehen hundert jar dar nach in dem vier und sechzigistem jar, an sand Kathrein tag.

Source Fulltext: LAMPEL, Urkunden Sanct Pölten (=FRA I, Wien 1981) S. 601-602