Wir Ulreich von gotes gnaden probst des gotshauses datz Sand Polten und wi^er der convent gemaindlich daselbs vergehen und tu^en chunt offenlich mit dem brief allen den di in sehent ho^ernt oder lesent, di nu lebent und hernach chünftig sind, daz wi^er mit gemainem rat und guetem willen recht und redlich hin lazzen haben unser weingerten gelegen datz Jeuching in der Wochaw: von erst den Neunperch an dem Cholmu^ents, darnach den weingarten genant di Angerpeunt den erbern läuten di hernach benant sind: Go^etfrid dem Holnsteiner, Michael datz Jeuching, unserm holden Leutolternsten, Hermann dem Sinn^a‚ Gro^ergen dem Leykeben, Albrecht dem Holnsteiner, Herworten dem Schanthêkchlein, Niclasen in des Rechs hof und Jansen dem Ratolden, den dieselben weingerten i^er iglichem sein tail mit unserm willen und rat ausgemercht und gezaigt sind. Dieselben weingerten haben wi^er in lazzen ewichlich in und allen ïrn erben, so beschaidenlich daz si die mit^b ïr selbs güet pawn schüllen und in gueten rechten paw di^e halten schüllen mit aller der arbait di weingerten rechtlîch angeho^ernt und dez si bedürfen; und su^ellen si fu^er di^eeselben i^er arbait und pau all jar zder zeit und man die list nemmen halben tail alles des weins der darinne wïrt, den wi^er vor den weingerten maisch wese^c gelîch und ungevêrlich mit in tailen su^ellen und wellen, und mo^egen auch danne irn tail fürn wo si hin wellent, ausgenomen daz si uns besunderlich den zehent von demselben irm tail jerlich richten su^ellen; und süllen auch în jêrlîch raihen und geben an sand Merteins tag ain pfund wienner pfenning ze hilfe und ze stewer des paus, der gevallen und angelegt werden su^ellen mit unser oder unsers hofmaister wîzzen datz Jeuhing an mist oder an stekchen, wie daz aller nu^etzlichist sei‚ sechzig pfenning in daz Ho^ehel, sechzig pfenning in des Rauphleichs stellen, sechzig pfenning in Symons stellen und sechzig pfenning in den Entzestorffêr; und waz das lesen chostet, daz su^ellen wi^er gelich halbs gelten und raihen. Wi^er haben au^ech in und irn erben die vorgenanten weingerten lazzen, daz si mit den vorgeschriben rechten i^er i^eglicher mit seinem tail irn fru^emen schaffen su^ellen und mu^egen mit verchau^efen wie in daz wol cho^em, also: welig^d irn tail verchaufen wellen, daz dieselben die verchaufen erbern gesezzen la^euten, di die vorgenanten unser weingerten wol gepaun und verbesen mo^egen in allen den rechten als vor geschri^eben stet, und schol derselbig chau^ef geschehen mit unser oder unsers hofmaister datz Jeu^eching handen wizzen und willen; und wer der ist der seinew recht verchaufet, der sol uns oder unserm hofmaister in unsern hof datz Jeu^eching geben ze ablait zwen pfening, und der die in nimpt ze anlait zwen pfening und nicht mer. Wi^er su^ellen auch die obgenanten weingerten mit aller stewer und mit allem dienst selb verrichten und daz an irn schaden davon raihen. Auch su^ellen wi^er oder unser verweser und hofmaister ze Jeu^eching, wer der i^e zden zeiten ist, die vorgenanten weingerten jerlich bescha^ewen ze zwain tägen, an sand Gro^ergentag und an sand Jacobs tag, und su^ellen auch nemmen zu^e derselben beschauung erbêr umbsetzen zwen oder menigern, di zu^e weingerten arbait sich wol verwizzen; und welicher tail weingerten denn nicht in guetem mittern pau fu^enden wu^erden, derselben tail su^ellen wi^er uns danne ze stet u^enderwinden und su^ellen uns darumb genzlich vervallen und von in ledig sein, also daz si fu^erwas weder umb die selben i^er tail weingerten noch umb den wein der des selben jârs darinnen wêchset noch umb daz pau und arbait di si dar in gelegt hieten dhainen zu^espruch haben noch gewinnen su^ellen, vil noch wenich. Dez zu^e ainer ewigen vestigung und offem urchund geben wi^er in den brief versigelten mit unsern zwain^e grozzen anhangunden insigln. Geben datz sand Po^elten, an dem heiligen o^estertag, nach Christi gepu^erde dreu^ezehen hundert jar darnach in dem a^echt und sechzigistem jare.

Source Fulltext: LAMPEL, Urkunden Sanct Pölten (=FRA II, Wien 1901) S. 17-19