Ich Chu^enrat der Veyrtagêr und all mein erben vergehen und tu^en chu^ent offenlîch mit dem brief allen den di^e in sehent ho^ernt oder lesent, di nu lebent oder hernach chünftig sind, daz wïr mit wolbedachtem muet und mit guetlichem willen, zder zeit da wi^er es mit recht wol getu^en machten, recht und redlîch verchauft haben unser vest datz Inning und alles das daz dar zu^e gehôret, ez sei pau paungerten wismade waide oder holts, pfenning gu^elt getrai^ed gu^elt oder ander gu^elt in urbar und allen zehent den wir daselbs datz Inning und umb Inning haben, ez sei gestift oder ungestift versu^echt oder unversu^echt ze velde und ze dorfe, wie so daz alles genant ist oder wo daz gelegen ist, daz wir vormals alles von dem erbern herren hern Fridreichen dem marschalch von Pappenheim, von vrou^en Kathrein seiner hausvrowen und irn erben gechauft haben umb tau^esent phund wienner pfenning, dieselben vest datz Inning mit aller irer zu^egeho^erung, di vo^ergenanten gult gu^eter und zehent all haben wir verchau^eft und geben umb tausent pfund wienner phenning, der wi^er gar und genzlîch verricht und gewert sein dem erwirdigen geistlichem herren hern Ulreichen dem Veyrtagêr probst des gotshauses datz sand Po^elten und seinem convent daselbs und allen irn nachko^emen, also daz si daz haben sullen mit allen ern nu^etzen und rechten als ich daz gechauft han ze gelicher weise als mein chaufbrief sagt, den mi^er der obgenant her Fridrich der marschalch von Pappenheim daru^eber gegeben hat und den ich in mit dem gegenbu^erting^a brief ingeantbu^ert und gegeben han, und su^ellen allen irn fru^emen damit schaffen mit verchau^efen versetzen und geben wem si wellen an allen i^ersal. Wêr aber daz si von mi^er und meinen erben oder von i^emant ander von meinen wegen fu^erwas icht chrieg oder ansprach daran gewu^ennen, allen den schaden den si des nêmen, den su^ellen wi^er in ablegen und widerchern, und su^ellen si daz haben datz uns und au^ef allen unserm gu^eet daz wi^er haben in den lande ze Osterrich, wi^er sein lebentig oder tode. Des ze u^erchund gib ich obgenanter Chu^enrat der Veyrtager dem obgenanten hern Ulreich probst datz sand Po^elten und seinem convent daselbs den brief besigelten mit meinem insigil und mit meiner pru^eder insigil Jansen und Go^ergen der Veyrtagêr und mit Pernoltes insigil des Chlingenfu^erter, di ich des vleizziglich gepeten han daz si der sach zeugen sind mit irn insigilen. Geben datz sand Po^elten, nach Christi gepu^erde dreuzehen hundert jare darnach in dem a^echt und sechzigistem jare, an sand Go^ergen tage.

Source Fulltext: LAMPEL, Urkunden Sanct Pölten (=FRA II, Wien 1901) S. 23-24