Ich Sweyker der Schauhinger^a und mein erben vergehen, daz wi^er verchauft haben ain lehenschaft aines zehent's^b gelegen ze Horlant^c in Pirhinger pfarr, den Margret di^e Hau^eslêrinn von mir ze lehen gehabt hat und di ich von meinem herren bischof Albrecht von Pazzawe ze lehen gehabt han‚ umb sechs schilling wienner pfenning, der ich verricht bin‚ dem erbern herren hern Ulreichen probst datz sand Po^elten und seinem convent furbas ze haben und irn fru^emen damit schaffen, und bin des ir scherem fu^er all ansprach, als lehens und des landes recht ist in Osterrich. Mit urchund des briefs besigilten mit meinem insigl und mit Otten des Po^emers insigil, der der sach zeug ist mit seinem insigil. Geben des phintztags nach sand Gorgentag, nach Christi gepurde dreuzehen hundert jar darnach in dem a^echt und sechzigistem jare.

Source Fulltext: LAMPEL, Urkunden Sanct Pölten (=FRA II, Wien 1901) S. 25