Ich Wernhart der Râdler von Öda und ich Thoman der Zand und all unser erben vergehen und tu^en chunt offenlich mit dem brief umb Rübprechtes des Zandleins hof ze Inning, der von dem erwi^erdigen herren hern Ulreichs probst datz sand Pölten und von seinem gotshaus ze lehen ist, und was darzu^e gehört, daz von in ze lehen ist, den uns derselb Ru^ebprecht der Zändel mit des vorgenanten seines lehenherren hant versatzt hat fu^er siben und sibenzig phunt wienner phenning, di im vrawe Elspet sein hausvrau ze haimstewer pracht hat und di wîder nach desselben Ru^ebprechtes to^ed auf dieselben vraun Elspeten sein hau^esvrowen und auf i^er nachst erben, ob daz ist daz er nicht leiberben lêt di^e er mit i^er hiet, gevallen süllen, darumb wi^er Fridreichen dem Harlantêr in pürgl weise verhaizzen haben, daz uns der nu^er in phandes weise von dem heutigen tage drew ganze jare gelihen und geu^erlaubt ist, so beschaidenlich daz den derselb Ru^ebprecht der Zândl in derselben zeit von uns ledigen schol, oder wi^er schu^ellen vollen gewalt haben den ze verchaufen auch in derselben zeit in lehens weise nu^er ainen erbern der lehens hant hab. Darumb so verpind wi^er uns gen dem egenanten hern Ulreichen probst datz sand Po^elten und gen seinen nachko^emen, ob der vorgenant Ru^ebprecht den egenanten hof ze Inning in den egenanten drin jaren von uns nicht ledigt oder ob wïr den in derselben zeit selb nicht verchaufen, als vor geschriben ist, wanne si uns oder unser erben, die des satz nach uns wartund sind ob wi^er ab gi^engen, vodernt, daz danne in unverzogenlich unser ieglicher selbander mit zwain pherten gen sand Pölten in ain erber gasthau^es, wo si uns hin zaigent, in varen und laisten su^ellen, als laistung und des landes recht ist in Österreich, so lange daz in daz widervar daz vor geschriben ist. Tât wi^er des nicht, allen den schaden den si des nêmen mit potschaft und mit nachraisen oder in welhen andern wegen daz ,wêr, daz di ainer, wer der ist, der den brief zaiget, bei seinen trewn gesagen mag, denselben schêden zu sampt dem haubgu^et su^ellen wi^er in genzlich ablegen und wi^ederchern, und sullen si daz haben datz uns und auf allem unserm gu^et, daz wir haben in dem lande ze Österreich, oder wo wi^er daz haben, wir sein lebentig oder tod. Des ze urchund geben wi^er, ich obgenanter Wernhart der Râdler von Öd² und ich Thoman der Zand den brief besigilten mit unsern insigilen,³ mit Stephans insigil des Meylauêr⁴ und mit Albrechtes insigil des Zândlein,⁵ di wi^er des vleizziglich gepeten haben, daz si der sach zeugen sind mit irn insigilen. Geben nach Christi gepurde dreuzehen hundert jar darnach in dem ächt und sechzgisten jare, des vreitages nach sand Nyclas tage.

Source Fulltext: LAMPEL, Urkunden Sanct Pölten (=FRA II, Wien 1901) S. 44-45