Wi^er Agnes von gotes genaden abptessinn des gotzhaus datz Erlachloster und wi^er der convent gemaindleich daselbs vergehen und tu^en chunt offenlich mit dem bri^ef allen den di in sehent ho^ernt oder lesent, di nu lebent und hernach chu^enftig sind, das wi^er mit gemainem rat und unser aller gu^etlichem willen und gunst den erwi^erdigen und||
geistlichen herren hern V^elreichen probst des gotzhaus datz Sand Po^elten und seinem convent da selbes, i^erm gotzhaus und allen i^ern nachko^emen recht und redlich ausgewechselt und gegeben haben und geben auch mit dem brief unser aigenschaft und gu^elt ainer mu^el gelegen datz Wæntendorf auf der Pyelach in Grafendorffer pharr, di unserm gotzhaus jerlich ain halbs phunt phenning rechtes di^enstes, sechs schilling phenning fu^er ain swein und vier phenning von ainem akcher gedient hat, und alles das daz dar zu^e geho^ert, pau waid wismad holz, wie das alles genant ist und wo das gelegen ist‚ mit allen eren nu^etzen und rechten, als wi^ers alles gehabt und herpracht haben und als es her Wulfing der Veirtager selig und her Niclas der Pillung in ledigs und vreies pu^erkchrecht weise an alle eribvogtei von uns gehabt habent; da fu^er so habent si uns gegeben und ausgewechselt i^er aigenschaft und gult ains hofs gelegen datz A^entzenperg in Hertzogenburger pharr, der in und i^erm gotzhaus jerlich zwelf schilling wienner phenning gedi^ent hat, und alles das daz dar zu^e geho^ert ze veld und ze dorfe, gestift und ungestift, versu^echt und unversu^echt, wie das genant ist und wo das gelegen ist, mit allen eren nu^etzen und rechten, als si di gehabt habent und als si^a di gechouft habent von hern Christan und Chadolten den Zintzendorffern; und schullen der egenant probst V^elreich sein convent und all i^er nachko^emen mit der obgenanten mu^el gu^elt und gu^et und was dar zu^e geho^ert allen i^ers gotzhaus frumen schaffen, wie in das aller pest fu^egt an allen i^errsal. Und sein wi^er des i^er recht gewern und scherm fu^er alle ansprach, als vreins aigens und des landes recht ist in O^esterrich. Get in fu^erbas dar an icht ab mit recht oder ob si mit recht icht chrieg oder ansprach dar an gewunnen, von wem daz wêr, das schullen wi^er in genzlich ablegen und widercheren und schullen si das haben datz uns und auf allen dem gu^et das zu unserm gotzhaus geho^ert. Mit u^erchu^end des briefs versigelt mit unsern zwain grozzen anhangunden insigeln. Geben datz Erlachloster, an sand Cholmans tag, nach Christi gepu^erde dreuzehen hundert jar darnach in dem a^echt und sechzigistem jar.

Source Fulltext: LAMPEL, Urkunden Sanct Pölten (=FRA II, Wien 1901) S. 40-41