Ich Peter der Schutzenmaister und ich Chu^enrat der Schutzeumaister sein sun und unser eriben vergehen und tu^en chunt offenlich mit dem brief allen den di in sehent ho^ernt oder lesent, die nu lebent und hernach chu^emftig sind, daz wi^er uns mit dem erwi^erdigen geistleichen herren hern Johannsen probst datz Sand Po^elten und mit dem convent da selbs liebleich und vreuntlich verricht hahen umb alle di ansprach und vordrung di wi^er von unsers lieben herren und vreuntes wegen herrn Vlreichs des Veyrtager seligen, weilnt probst des obgenanten gotzhauses datz Sand Po^elten hinz in gehabt haben oder von welherlai sachen wi^er di hinz in gehabt haben, wie sich dew unz auf den heutigen tag vergangen habent, also beschaidenlich daz uns der obgenant unser herr her Johanns probst und der convent datz Sand Pölten ledig lazzen habent den halben hof ze Altmanstorf und alles daz dar zu^e geho^ert den der obgenant unser her und vreunt probst V^elreich selig weilnt gechouft hat, und schullen wi^er mit dem selben halben hof und waz dar zu^e geho^ert fu^erbas allen unsern frumen schaffen, verchoufen versetzen und geben wem wi^er wellen, an allen i^errsal. Aber der paungart in der Wochawe ze Jewching, den derselb probst Vlreich selig auch weilnt von den Huglingern gechouft hat, der schol fu^erbas dem obgenanten i^erm gotzhaus datz Sand Po^elten beleiben ze geleiher weis, alz er dem spital da selbs datz Sand Po^elten von weilnt dem durchleuchtigistem fu^ersten herzog Ru^edolfen selig ze O^esterreich etc. verschriben und geaigent ist, und schullen wi^er fu^erbas hinz dem vorgenanten hern Johannsen probst und dem convent datz Sand Po^elten von des egenanten unsers vreuntes wegen probst V^elreichs selig noch von unsern wegen weder um den selben paungarten noch umb dhainerlai eribgu^et noch varundgu^et noch umb brief und umb dhainerlai ansprach dhainen zu^espru^ech noch vordrung haben noch gewinnen in dhainem weg, vil noch wenikch; daz verhaizzen und luben wi^er in mit unsern trewn an geverde. Des ze u^erchu^end geben wi^er, ich obgenanter Peter der Schutzenmaister und ich Chunrat der Schutzenmaister sein sun den brief besigelten mit unsern zwain insigeln; und der sache sind zeugen di ersamen Pernnolt der Chlingenfu^erter und Mert amptman datz Sandpo^elten mit i^ern insigeln, di wi^er darumbe vleizzichleich gepeten haben, daz si der sache zeugen sind mit i^ern insigeln. Greben datz Sand Po^elten, nach Christi gepu^erd dreuzehen hundert jar darnach in dem sibenzigistem jar, des montags in der ersten vastwochen in der vasten.

Source Fulltext: LAMPEL, Urkunden Sanct Pölten (=FRA II, Wien 1901) S. 76-77