Noverint universi et singuli presens instrumentum publicum inspecturi, quod anno domini millesimo trecentesimo septuagesimo, pontificatus sanctissimi in Christo patris et domini nostri domini Urbani divina providentia pape quinti anno octavo, indictione octava, undecima die mensis maii, hora vesperorum vel quasi, in civitate Ypolitensi Pataviensis diocesis, in parva stubella domus habitacionis venerabilis in Christo patris domini Johannis tunc prepositi ecclesie sancti Ypoliti canonicorum regularium ordinis sancti Augustini dicte Pataviensis diocesis, in mei notarii publici testiumque infrascriptorum ad hoc rogatorum et vocatorum presencia personaliter constituti dominus Johannes pro se et dicta ecclesia sua ex una‚ ac discretus vir dominus Petrus de Reymago rector ecclesie parrochialis in Hurben dicte Pataviensis diocesis pro se et eadem ecclesia sua parte ex altera sponte, plene ac libere; ex certa sciencia, deliberacione matura, nullo terrore vel metu ducti conpromiserunt in honorabilem virum magistrum Johannem canonicum ecclesie et officialem curie Pataviensis, dominum Syfridum rectorem parrochialis ecclesie in Hofstetten, dominum Leutoldum canonicum regularem et plebanum dicte ecclesie sancti Ypoliti ac discretum viruin Gerungum dictum Ra^edler laycum dicte Pataviensis diocesis de omnibus questionibus litibus et causis principalibus incidentibus emergentibus accessoriis et connexis, quas dictus dominus Petrus nomine suo vel ecclesie sue predicte contra prefatum prepositum et eius ecclesiam habebat sew pretendebat^a habere sew pretendere poterat racione occasione sew causa quorumcumque redditum fructuum seu proventuum per prefatum prepositum vel eius predecessorem sew ipsorum nomine perceptorum de ecclesia in Hurben predicta ac eciam expensarum quarumcumque ob hoc ac pro assecucione eiusdem ecclesie per prefatum dominum Petrum in lite vel extra factarum, nec non super mutacione cuiusdam capelle in Hawnoltstein et cuiusdam aree eidem adiacentis, que ad dictam ecclesiam in Hurben ante permutacionem alias factam pertinuisse dinoscitur cum certis decimis et aliis suis pertinenciis quibuscunque promittentes partes predicte fide data loco prestiti iuramenti, quod quidquid prefati arbitri sew arbitratores vel ipsorum maior pars simpliciter et de plano, sine strepitu et figura iudicii in premissis et circa cuncta ea seu occasione premissorum arbitrati fuerint laudaverint seu pronunciaverint se velle et debere ratum gratum et firmum tenere et observare, et sub pena quacunque quam dicti^b arbitri super observancia dicti arbitrii duxerunt^c apponendam; si vero dicti arbitri pari numero discordaverint, ex tunc quintum eligere debent, et quidquit idem dictaverit modis predictis ratum habere perpetuis temporibus promiserunt. Prefati igitur arbitri parcium allegacionibus plenius intellectis et collacione inter eos hincinde habita tandem pro bono pacis et concordie voto unanimi concorditer pronuncciarunt laudarunt ac arbitrati fuerunt ex potestate eis tradita prout infra plenius continetur: Primo quod prefatus dominus Johannes prepositus ipsius ecclesie suique successores prefato domino Petro pro omnibus fructibus redditibus et proventibus perceptis et expensis datis sew quibuscumque aliis supra narratis dare ac solvere tenentur in vindemio proxime futuro duo plaustra vini potioris, quod ipse prepositus in opido quod Pach dicitur dinoscitur habere, similiter et duobus annis subsequentibus quolibet videlicet anno tempore vindemiarum solvere debent duo vasa vini, ut superius est expressum; ultra vero sex vasa predicta eidem Petro successoribus suis aut heredibus suis prefatus prepositus et ipsius successores in nullo penitus teneantur, sed ex tunc sunt et imposterum esse debent ab omni impeticione ultra sex vasa predicta totaliter liberi et absoluti, nec eis possit imposterum de predictis omnibus et singulis questio refricari. Preterea decime in Inning apud ecclesiam in Hurben ad quam alias de iure spectare noscuntur debent perpetuo remanere. Capella vero sew ecclesia in Haunoltstain cum area adiacente, que alias ad ecclesiam in Hurben spectabat, debet de cetero racione permutacionis pro ecclesia ad Sanctum Gothardum alias facte in iure patronatus nobilis viri Marchardi dicti Turs et ipsius heredum perpetuis temporibus permanere. Ecclesia vero ad Sanctum Gothardum cum suis pertinenciis, videlicet lignetis pascuis et aliis quibuscumque debebit de cetero in iure proprietatis plebani in Hurben qui pro tempore fuerit perpetuis temporibus permanere, ita ut idem plebanus per se vel alium eandem inofficiare vel alium ad eam locare valeat, prout eidem videbitur expedire. Si qua vero parcium dictum arbitrium laudum seu pronunciamentum verbo vel facto, in iudicio vel extra, per se vel alium seu alios irritare infringere aut retractare presumpserit seu ei modo quolibet contraire, eadem pars quociens hoc fecerit pro pena solvet reverendo in Christo patri domino N. Pataviensi episcopo denariorum wiennensium libras C et cuilibet arbitrorum predictorum vel ipsorum heredibus denariorum wiennensium libras C dicto arbitrio nichilominus in suo robore duraturo.||
Reservarunt insuper dicti arbitri sibi declaracionem et supplecionem arbitrii suprascripti in principalibus emergentibus et connexiis. Quo arbitrio sew laudo, sic ut prefertur, in presencia parcium promulgato seu pronunciato, ambe partes dictum arbitrium emologarunt ratificarunt ac eciam approbarunt. Acta sunt hec anno mense die hora quibus supra, presentibus honorabilibus et discretis viris domino Friderico plebano in Trawnstain Salczburgensis diocesis, Bernhardo layco dicto de Od Pataviensis diocesis, testibus ad premissa vocatis et rogatis.||
Et ego Johannes dictus Newhaimer clericus Laventtinensis diocesis publicus imperiali auctoritate notarius premissis arbitracioni permutacioni ratihabicioni ac omnibus et singulis aliis, dum sic ut premittitur fierent et agerentur, una cum dictis testibus presens interfui eaque sic fieri vidi et audivi, hoc presens instrumentum publicum manu mea propria conscribendo exinde confeci signoque meo solito . . . . et^d signavi, rogatus et requisitus in testimonium omnium premissorum.

Source Fulltext: LAMPEL, Urkunden Sanct Pölten (=FRA II, Wien 1901) S. 79-82