Ich Ott von Wald, ich Anna sein hausvrowe und all unser erben vergehen und tu^en chund offenlich mit dem brief allen den di in sehent ho^ernt oder lesent, di nu lebent und hernach chu^enftig sind, das wi^er mit wolbedachtem mu^et und mit gu^etlichem willen recht und redlich verchouft haben unsers rechten vreiu aigens ain wis, der zehen tagwerich sind von winchel ze winchel, als di von alter her cho^emen ist, genant di Helblingso^ed, gelegen gegen Chasten u^eber; diselb wis mit aller i^err zu^egeho^erung eren und nu^etzen, als wi^er di unversprochenlich in aigens gewer inngehabt und herpracht haben, haben wi^er verchouft und geben um zwainzig phunt wienner phenning, der wi^er gar und genzlich verricht und gewert sein, dem erwi^erdigen geistlichen herren hern Johannsen probst datz Sand Po^elten und seinem convent daselbes fu^erbas ledichleich und vreilich ze haben und allen i^ern und i^ers gotzhaus frumen da mit ze schaffen, verchoufen versetzen und geben wem si wellen an allen chrieg und i^errsal. Und sein auch derselben wis mit i^err zu^egeho^erung i^er recht gewern und scherm fu^er all ansprach als aigens recht ist in dem land ze O^esterreich; get in fu^erbas dar an icht ab mit recht oder ob si mit recht icht chrieg oder ansprach daran gewunnen von wem das wer, das schullen wi^er in genzlich ausrichten ablegen gelten und widercheren an allen i^ern schaden, und schullen si das haben datz uns unverschaidenlich und auf all dem gu^et daz wi^er haben in dem land ze O^esterrich oder wo wi^er es haben, wi^er sein lebentig oder tode. Des ze u^erchu^end gib ich in obgenanter Ott von Wald den brief versigelten mit meinem insigel fu^er mich und all mein eriben. Der sache sind gezeugen mein o^ehaim Hainreich und Albrecht gepru^eder und U^elreich di Atzenprukker mit i^ern insigeln, di wi^er daramb vleizzichlich gepeten haben, das si der sache zeugen sind. Geben nach Christi gepu^erd dreuzehen hundert jar darnach in dem ains und sibenzigistem jar, des sambzstags vor dem palmtag.

Source Fulltext: LAMPEL, Urkunden Sanct Pölten (=FRA II, Wien 1901) S. 106-107