Ich Wolfhart der Wi^ersinkch, ich Andre von Talhaim, ich Hainreich der Fleischhakcher und ich Herman di purger von Mawttarn und di gemain aus der zeche da selbes ze Mouttarn und all unser erben vergehen und tu^en chunt offenlich mit dem brief allen den di in sehent ho^ernt oder lesent, di nu lebent und hernach chunftig sind, das wi^er mit veraintem rat und mit aller unserm gu^etlichen willen, ze der zeit do wi^er es mit recht wol getu^en mochten, recht und redlich verchouft haben unsers rechten aigens ainen weingarten genant das Selgrêt und der gelegen ist datz Pache pei Mouttarn und der in unsre obgenante zeche geho^ert hat, denselben weingarten mit allen den rechten eren und nu^etzen haben wi^er verchouft und geben umb fu^emf phunt wienner phenning, der wi^er gar und genzlich verricht und gewert sein‚ den erwi^erdigen und geistlichen herren hern Johannsen probst und dem convent gemaindlich des gotzhaus datz Sand Po^elten, also beschaidenlich das si uns in di obgenanten unser zeche ze Mowttarn von demselben weingarten alle jar jerlich an sand Merten tag fu^emf phenning wienner mu^enzze ze pu^erkchrecht davon dienen schullen und nicht mer, und schullen fu^erbas mit dem selben weingarten in purkchrechtes weis allen i^ern frumen schaffen, verchoufen versetzen und geben wem si wellen, an allen chrieg und i^errsal. Und sein wi^er des i^er recht gewern und scherm fu^er all ansprach als pu^erkrechts und des landes recht ist in O^esterrich; get in fu^erbas dar an icht ab mit recht oder ob si mit recht icht chri^eg daran gewunnen, von wem das wêr, das schullen wi^er in genzlich ausrichten und widerchern, und schullen si das haben datz uns und auf alle dem gu^et das wi^er haben oder noch gewinnen, wi^er sein lebentig oder tode. Des ze u^erchund geben wi^er in den brief versigelten mit der erbern leut insigel Hainreichs des Rekkinger zden zeiten richter ze Mowttarn und Andres von Talheim., di wi^er darumb vleizzichleich gepeten haben das si der sache zeugen sind mit i^ern insigeln; wand wi^er selb aigner insigel nicht enheten, darumb verpind wi^er uns under di gegenwu^ertigen insigel mit unsern trewn, alles das genzlich stet ze haben und ze volfu^ern daz vorgeschriben stet. Geben ze Mowttarn, nach Christi gepu^erd tausend drew hundert jar darnach in dem ainem und sibenzigistem jar, an sand Marie Magdalena tag.

Source Fulltext: LAMPEL, Urkunden Sanct Pölten (=FRA II, Wien 1901) S. 107-108