In nomine domini; amen. Anno nativitatis eiusdem millesimo trecentesimo septuagesimo secundo, indictione decima, pontificatus sanctissimi in Christo patris ac domini nostri domini Gregorii divina providentia pape undecimi anno secundo, die vicesimaquinta mensis Junii, hora sexta vel quasi, in mei notarii publici et testium presencia subscriptorum, venerabilis pater dominus Johannes prepositus monasterii canonicorum regularium Sanctiypoliti, ordinis sancti Augustini, Pataviensis dyocesis, personaliter constitutus sui et conventus eiusdem sui monasterii nomine exhibuit et hostendit^a quasdam litteras magnifici principis Ru^edolfi ducis Austrie, uno sigillo pendente de cera alba³ et rotunda roboratas, non cancellatas, non rasas nec in aliqua sui parte viciosas, sed omni prorsus suspicione carentes. In cuius sigilli medio effigies armati hominis equo fallerato insidentis dextra manus^b vexillum in hasta tenentis, ante pectus ipsius clypeum habentis, in cuius clypei medio elevacio cum effigie palmitum, in collo equi capite galeam tenentis, in cuius galee sumitate fasciculus plumarum pavonis in medio corone erectus, in collo equi clypeus cum effigie panthere ymagine angeli sustentatus, in capite equi ymago dimidie aquile, circa pectus eiusdem equi clypeus habens ymaginem leonis, quam ymago monstri sustentat, sub equo effigies angeli et tres clypei, quorum unus habet effigiem pilei monstro sustentatus, secundus effigiem aquile, tercius effigiem porte, qui iam dicti duo clypei per effigiem angeli sustentantur, iuxta caudam vero eiusdem equi clypeus habens figuram^c duorum piscium monstro sustentatus, circa dorsum vero sedentis in equo effigies angeli unam manum cum ala extendentis, aliam manum deprimentis, iuxta galeam effigies cuiusdam monstri clypeum manibus sustentantis, in cuius clypei medio effigies trium leonum est insculpta et monstro sustentatur, alia vero pars eiusdem clypei vacua fuit; in circumferencia vero eiusdem sigilli hec circumscriptio continetur: Ru^edolfus quartus dei gratia archidux Austrie Styrie et Karinthie, dominus Carniole Marchie ac Portus naonis, comes in Habspurch Ferretis et Kyburch, marchio Burgonie ac lantgravius Alsatie. In dorso vero eiusdem sigilli clypeus habens supra et infra cancellos parvos, in medio eiusdem clypei quedam elevacio vacua et super unam aciem eiusdem clypei galea supra se tenens effigiem fasculi plumarum pavonis in medio corone, in circuitu vero clypei et galee effigies quatuor leonum, quorum duo astant clypeo ex utraque parte, et duo galee eciam parte ab utraque cum circumscripcione: Ru^edolfus dei gratia dux Austrie Styrie Karinthie. Cumque dicte littere propter viarum discrimina et eventus inopinatos non possint de loco in locum instante earundem necessitate comode ac sine periculo, ut presumitur, deportari, prefatus dominus prepositus petiit cum instancia easdem litteras in formam publicam redigi^d per me notarium publicum infra scriptum pariter et transcribi. Quarum quidem litterarum tenor per omnia sequitur almanice in hec verba.⁴ Acta sunt hec ad Sanctumypolitum in paruua stupella dicti domini prepositi, anno indictione die mense hora pontificatu quibus supra, presentibus honorabilibus et discretis viris domino Friderico plebano ad Sanctum Petrum in Winnberch, domino Michahele^e cappellano cappelle in Geroltstorf, domino Johanne presbitero de Lengpach, Johanne baculario in artibus de Veldchirhen et Trawslino iudice in Holnwu^erga, Ottone Gru^eber, Alramo de Vo^elderndorf, Go^eschlino Watzmastorffario, Hermanno Seydmanspekch nobilibus viris et quam pluribus aliis fidedignis testibus ad premissa vocatis specialiter et rogatis.||
(Das Notarszeichen.)^f Et ego Weykchardus filius Hainrici dicti Vtschalch de Viechtach clericus Ratisponensis diocesis publicus imperiali auctoritate notarius omnibus et singulis premissis una cum prenotatis testibus presens interfui dictasque litteras de verbo ad verbum, nichil addendo seu diminuendo quod sensum mutet vel viciet intellectum, manu propria transcripsi et in hanc publicam formam redegi meoque signo solito signavi rogatus et requisitus, in testimonium premissorum.

Source Fulltext: LAMPEL, Urkunden Sanct Pölten (=FRA II, Wien 1901) S. 130-131