In nomine domini; amen. Anno nativitatis eiusdem millesimo tricentesimo octuagesimo secundo, indiccione quinta, die vero vicesima tercia mensis octobris, hora prima,^a pontificatus sanctissimi in Christo patris et domini nostri domini Urbani divina providencia pape VI anno quinto, in mei notarii publici et testium subscriptorum presencia personaliter constituti venerabiles patres et domini mei domini Hermannus digna dei gracia decanus, Henricus de Wolknstorf, Johannes de Pernekch, Johannes et Hertnidus de Puchperg, Ewerbinus de Degenberg, Johannes de Racaw, Ulricus de Pankhofen canonici ecclesie Pataviensis capitulariter congregati, matura deliberacione prehabita,^b unanimiter et concorditer omnes et singulariter singuli vocibus claris plenum consensum dederunt presencialiter, prout eciam retroactis temporibus consensum prestarunt, de impetrando ac incorporando et uniendo ecclesiam parrochialem sancti Stephani in Hurben Pataviensis diocesis, religiosis viris et dominis domino preposito decano totique conventui monasterii sancti Ypoliti ordinis sancti Augustini canonicorum regularium dicte Pataviensis diocesis iuxta tenorem litterarum domini Alberti quondam episcopi Pataviensis et ipsius ac prefati nostri capituli sigillis sigillatarum, quarum quidem litterarum tenor per omnia talis est.³||
Hiis itaque premissis predicti domini decanus et canonici ecclesie Pataviensis consensum predicte incorporacioni sew unioni dederunt ac libere consenserunt, requirentes me publicum notarium infrascriptum, quatinus eis de predictis unum vel plura publicum vel publica conficerem instrumentum seu eciam instrumenta. Acta sunt hec Patavie, in stuba domus domini cellerarii capituli Pataviensis memorati, in qua domini canonici capitulum facere consueverunt, anno indiccione mense hora et pontificatu quibus supra, presentibus viris discretis domino Leonardo rectore parrochialis ecclesie in Harchurhen presbitero ac Georgio dicto Prachpekh clerico Pataviensis diocesis testibus ad premissa vocatis pariter et rogatis. Et ego Henricus dictus Barpsel clericus^c Pataviensis, publicus imperiali auctoritate notarius predictorum dominorum unanimi et concordi consensui de incorporando impetrando atque uniendo prefatam ecclesiam sancti Stephani in Hurben ac omnibus aliis et singulis premissis presens interfui et vidi fieri et audivi, ideoque de mandato dictorum dominorum decani et capituli Pataviensis hoc presens publicum instrumentum propria manu scripsi, signo quoque et nomine meis solitis et consuetis unacum appensione sigilli causarum prefati capituli Pataviensis signavi in fidem et testimonium omnium et singulorum predictorum.

Source Fulltext: LAMPEL, Urkunden Sanct Pölten (=FRA II, Wien 1901) S. 252-253