Wir Albrecht von gots genaden herzog ze Osterreich ze Steyr ze Kerenden und ze Krain, graff ze Tyrol etc. tüen kund daz wir die vest Öchsenbürkch die di erbern unser sunder lieben n der brobst und daz capitel zu Sand Polten gekaufet habent, mit der vischwaid daselbs wildpennen gejaide manschaft welden ho^elczrn leu^eten und gütern so zu der selben vest gehöret, in unsern wesundern scherm genomen haben und nemen auch wissentlich mit disem brieff. Darumb gebieten wir allen unsern herren ritteren und knechten pu^erggrafen richteren burgeren und allen unsern undertanen und wellen daz si den egenanten brobst und sein capitel bei disem unserm scherm beleiben lazzen und in an der vorgenanten irer vest mit aller der vörgeschriben irer zügeho^erung und iren leüten und gütern daselbs dhain irrüng nach weswerung tüen nach iemand tüen lazzen in dhain weg. Wër aber da wider tätt, daz wär gënzleich wider uns und wolten den swërleich darumb pessern. Mit urkund dicz brieffs geben ze Wienn, an aller heiligen tag‚ nach Krists geburd dreuzehenhundert jär darnach in dem drew und achzigisten jare.

Source Fulltext: LAMPEL, Urkunden Sanct Pölten (=FRA II, Wien 1901) S. 262