lch Hainreich^a und ich Gotschalich baid pruder von Neytperg und all unser erben verjehen offenlich mit dem briefe umb die lehen und manschaft die wir haben enhalb des Hartpergs und die zu Ochsenburchk gehort habent‚ und wer der selben lehenschaft von uns gehabt hat, es sei ritter oder knecht, dieselben lehen und manschaft hab wir geben und ingeantwurtt unserm lieben aidem und swager Ulreichen von Walse mit dem brief, als das er fur den heutigen tag allen seinen frumen damit geschaffen mag mit verseczen mit verchaufen oder geben wem er wil, an all unser irrung und wort. Und des zu urchund geben wir im den offen brief versigilten mit unserr baider anhangunden insigillen, darunder wir uns verpinden mit unsern treun an aides stat stet ze haben was an dem brief geschriben stet. Der briefe ist geben zu Werd, nach Kristi gepurd dreuzehen hundert jar darnach in dem funfundachzigisten jar, an unserr frawn abent zder liechtmess.

Source Fulltext: LAMPEL, Urkunden Sanct Pölten (=FRA II, Wien 1901) S. 268-269