Ich Fridreich der Hagenawêr von Drêstorf vergich für mich und für all mein erben offenlich mit dem brief umb den hof gelegen dacz Drestorf und von der güter und gült wegen di in denselben hof gehörnt als die hernach geschriben stent: von erst fu^emf und vi^erzig jeuch akcher sechs tagwerch wismades mit sampt dem überlend und vir hofsteten da i^eczund auf gesezzen sind: Thoman der Rawscher von seiner hofstat ain halbs phunt und dritthalben und zwainzig phening, Wernhart Têtschenpekch sechs und dreizzich phening, Vlreich der Schau^eczlich von seiner hofstat ächt phening und Philipp der Vo^esel von seiner hofstat zechen phëning; und darnach von dem überlend: Einreich zwen und sibenz phening, Elspet der Gnêsgerinn tochter sibenthalben phening und virzehen phening, Symon im Virtaïl sechs und dreizzich phening, Erhart von Rust sechzehen phening, Wernhart Drost sechs phening, di Leythawsinn sechs phening, Jans der Rêchlër sechs phening, Vlrich der Hawzz zechen phening‚ di zechmaistrinn zwen phening, Andre Hëndel vi^er phening, Andre Schick vi^er phening und Vlreich im Winkchel ainen phening, daz alles in den obgenanten hof ze Drêstorf gehört und daz ich obgenanter Fridreich der Hagenawer von dem goczhaus z Sand Polten^a ze lehen gehabt han‚ und pat vleizzlich di obgenanten herren ze Sandpölten hern Gerungen probst daselbens‚ daz si mir und meinen erben den obgenanten hof mit sampt den gülten und gütern so oben benant ist, in pürkchrechs weise verwandleten; daz habent si getan mit irm brief den wïr von in daruber haben‚ also daz wir dieselbem guter mögen bei einander behalten oder zainziger^b jeuchart verchaüfen, wie uns daz allerpest fügt und wolchümpt, i^eglich jeuch umb ainen genanten dienst den wir aüf dieselben jeuchart seczen süllen, di wir aus dem obgenanten hof verchaüfen und den man hin wider in dienen sol, also beschaidenlich daz wir fürbas oder wer den hof innhat und besiczet von den vorgenanten gütern allen und von dem hof den vorgenanten herren und dem goczhaüs ze Sand Pölten sechs schilling wiennêr phening aüf ir oblay ampt jêrlich an sand Michels tag ze pürkchrecht dienen und raihen süllen unverzogenlich und nicht mer. Tün wir aber des nicht, so mügen und sullen si uns darümb nötten und phenten mit unserm gütlichem willen, als umb ander ir versessens behausts^c purkchrecht daz zu irm goczhaus gehört, und süllen auch si daz haben dacz uns unverschaidenlich und auf all dem güt eribgüt oder varundgüt, wie daz genant ist, nichtes ausgenömen daz wïr haben oder noch gewinnen, wir sein lebentig oder tod. Mit urchund des briefs den ich dem obgenanten goczhans ze Sandpölten besiglten gib mit meinem insigl für mich und für all mein erben und mit Stephanus insigl des Hagenäwêr meines vettern. Und der sach ist gezeug Vlreich der Traysmêr mit seinem insigl im an schaden, den wïr vleizziglich darümb gepeten haben. Geben an sand Niclas tag, nach Christi gepurd dreuzehenhundert jar und in dem näun und achzigistem jar.

Source Fulltext: LAMPEL, Urkunden Sanct Pölten (=FRA II, Wien 1901) S. 315-316