Wir Johanns von gotes gnaden der junger purgraf ze Maidbürg des heiligen Romischen reichs und graf ze Hardekk bekennen und tün künt für uns und unser eriben umb die vischwaid ze Frydaw bei^a Grafendorf an der Pyelach gelegen mit aller irer zuegehörung, die vormaln unsers vatter^b graf Bürcharts seligen und unsers vettern graf Hansen des eltern von Maidbürg gewesen ist und in aigens weise an^c das gotshaus ze Sand Pöllten von dem vorgenanten unserm vatter seligen und unserm vettern und von uns chomen was, und die wïr nü von dem probst und n dem convent ze Sand Pöllten herwider in chaüfs weise an uns pracht haben² nach sag des chaüfbriefs den se^d uns daruber gegeben habent und uns auch den brief so se von unserm vatter^e seligen und dem egenanten unserm vettern und von uns gehabt habent, herwider in unser gewalt geben haben, geloben wir n dem probst und n dem convent ze Sand Pöllten, ob das wêr daz wir ansprach von der egenanten vischwaid wegen gewunen und daz wir oder unser eriben darumb n den probst und das convent monen wurden uns auszerichten, nach unsers chaüfbriefs sag, so schullen wir an widerred den vorgenanten brief so se von unserm vatter und von unserm vettern und von uns habent gehabt, in^f leihen und schüllen se uns oder unsern eriben denselben brief vergewissen und wenn se uns oder unser eriben denne mit demselben brief ausrichtent, daz wïr oder unser eriben von der egenanten vischwaid wegen an ansprach beleiben, so schullen se uns oder unsern eriben den vorgenanten brief darnach inner vi^erzehen tagen herwider geben und geantwurten angever, mit urkunde des briefs besigilt mit unserm anhangundem insigil. Geben ze Recz, an eritag nach sand Nyclas tage, nach Christes gepurde drewzehenhundert jare darnach in dem newn und achzigistem jare.

Source Fulltext: LAMPEL, Urkunden Sanct Pölten (=FRA II, Wien 1901) S. 316-317