Wi^er Gerung von gottes genaden brobst, ich Steffan techant und wi^er das convent gemaindlichen des gotshaus ze Sand Polten bekhennen und thain khundt offenlich mit dem brief umb den weingarten mit sambt der ewern^a * gelegen * ze Wochaw an dem vordern^b Seyber in Sandt Michels phar ze nagst der Obern Huttseil, davon man * jarlich dem erbern geistlichn herrn dem abt und dem gotshaus geen Tegernsee^c in iren hof ze Jewhing finf wiener phenning an sand Michels tag ze purkhrecht dient und nit mer, den her Wolfgang der Feichter unser gehorsamer und mitbruder mit unser aller gunst und willen von Hansen dem Ofner ze Wochaw gekhauft hat umb achtundvierzigkh phund wienner phenning, die er an seiner phrund verspart hat, den der eegenänt her Wolfgang der Feuchter lediclich und unversprochenlich auf unsers^d gotshaus camerambt^e gegeben hat, also das der selb weingart mit sambt den ewrn mit aller zuegehorung ewigclich dapei beleiben und zue gehorn soll an all irrung. Und durch derselben lieb und trew die er zu uns und demselben unserm gotshaus gehabt hat, luben und verpinden wir uns mit dem brief, das wi^er dem obgenantn herrn Wolfgangen dem Fewchter die hernach geschriben stift alle jar järlich außrichten und volfurn solln und wellen mit vier phundt wiener phenning gelts, die ain ieglicher khamrer unsers gotshaus wer ie die zeit ist‚ von den nützn des obgenenten weingartn mit sambt den ewrn jarlich außrichtn und bezaln soll unverzogenlich. Von erst zu der meß auf sand Philips altar in unserm gotshaus soll er geben all mittichen sechs phening dem herrn der di spricht, di man albeg von den selen sprechen soll, und dem custer in dem segrär vierzigkh phenning, darumbe das er alzeit zu der messe leichtn soll wes man bedarf; wer aber das ain veirtag an den selben mittichen geviel, als oft das wär, so sol man von dem selben heilingen meß sprechen oder singen, doch also das man desselben tags ain colectn von den seelen unverzogenlich sprechen soll. Darnach sollen wi^er dem obgenantn herrn Wolfgangen dem Fewchter und allen seinen vorfordern und nachkhomen seelen ainen ewigen jartag in dem benenten unserm gotshaus järlich begeen und volbringen sollen^f des nagsten sontags nach dem achtisten tag nach dem Prehentag, got ze lob, unser frauen und allen heilingen, an dem abent mit der grossen gesungen vigilli und mit dem grossen geleut und am mantag mit ainem gesungen seelambt und mit sechs gesprochen messen, ausgenomen der stiften messen, di sol man vorauß unverzogenlich sprechen als di gestift sint. Und soll man von den selben sekhs messen von ieglicher acht phening und von dem selambt zwelf phenning^g den herrn geben und dem pharrer zehen phenning, das er umb di seel desselben tags bitten soll; und der cüster sol zu dem jartag ain gulden tuech auf di par und zwelf stegkhkherzn leichen und vier stegkh kherzn auf das grab, dem man darumb sibenzigkh phenning^h soll, und dem meßner fur das geleit vierundzwainzigkh d, dem vocesenⁱ³ von vier sëltern ze lesen bei den vigilen und dem jartag zwelf phenning, und dem nachguster^j in den sacrer^k segkhs phenning fur sein mue, das er aufsper und die kherzen zu dem jartag raicht, und darzu sol man an dem selben jartag auf sand Pöltn altar das recht ambt singen von unser frawen schidung, davon man denn^l herrn zwelf phening und den jungkheren acht phenning geben soll, di zu dem ambt dienent; auch sol man desselbn tags vor dem munster sechzigkh phenwert helbling under arm leit geben und vierzehen phenning den sonder siechen. Wer aber daz^m der obgenanten sechzig phenwert helbling uber wurden, di sol man in unser spital den armen leiten geben, und sonderlich so sol man allen herren an dem obgenanten jartag zehen schilling phenning geben für ir mue‚ das si di vigili und den jartag dester loblicher begeen und volbringen. Auch sol man alle jar geben in unser zeche zwenunddreissig phenning, darumb das der eegenant her Wolfgang der Feichter tailhaftig werd aller guethait die wi^er in der selben zeche begeen, das alles der obgenente khamerer von den obgenanten vier phunt phenning gelts al jar järlich ausrichten soll in der maß als vor benant ist. Und das di eegenenten stift und der jartag also fürpaß ewigclich ste^at und unzebrochen beleib‚ darumb so geben wi^er den brief besigeltn mit unsern zwaien grossen anhangenden insigeln, der geben ist an mittichen nach dem weihenachten, anno etc. 1395^ten jar.

Source Fulltext: LAMPEL, Urkunden Sanct Pölten (=FRA II, Wien 1901) S. 368-370