Ich Chu^enrat, ich Michel und ich Hanns genant di^e Schu^eczen, ich Seyfrid der Mu^ellner von Wu^elframsrau^et, ich Weygl und ich To^eman von Ganczendorf sein su^en, und ich Mert von O^echsenbu^erkch und all unser eriben, und nemen uns auch an fu^er all unser miterben, vergehen offentlich mit dem brif allen den di in sechent ho^ernt oder lesent, umb all ansprach und vodrung di wi^er gehabt haben^a hinz den erwirdigen geistlichen herren hern Gerungen dem brobst und dem convent des goczhaus ze Sandpo^elten, von alles des gu^ets wegen das Chu^enrat selig der amman von Ganczendorf bei dem Prunn unser oehaim lazzen hat: von erst di hofstat datz Ganczendorff, da er auf gesezzen ist‚ und darzu^e alles daz gu^ot, es sei purkchrecht uberlend ekcher wismad waid holz aw weidech eribgüt oder varundgüt, nichtes ausgenomen noch hindan gesaczt, als er das gehabt und hinder im lazzen hat‚ das wir uns darumb lieblich und frewntlich^b nach unserr nachstn frewnt und erberr laut rat mit den obgenanten herren hern Gerungen dem brobst und seinem convent zu Santpölten verricht und veraint haben; und di habent uns fur daz obgenante güt alles aindlef phünt wienne^ar phenning gegeben, der wir von in genzlich verricht und gewert sein ze rechten tegen und an all scheden, daran uns wolgenügt hat, also beschaidenlich das wir noch unser erben oder miterben noch ander läut von ünsern wegen fürbas hinz den obgenanten herrn ze Santpölten noch hinz demselben^c irm goczhaus von des obgenanten gu^ets wegen noch hinz allen den den si dasselb gut gebent oder schaffent, dhain ansprach noch vodrung wartung noch recht haben noch gewinnen su^ellen noch wellen, mit recht noch an recht, vil noch wenig, und verzeihen uns derselben guter ganz und gar, si sein von dem obgenanten goczhaus ze Santpölten ze purkchrecht oder von wem di ze pu^erkchrecht sind, also daz si und ir goczhaus mit denselben gütern und aüch mit der varunden hab so vorbenant ist‚ allen iren frum schaffen sullen und geben wem si wellen, an all unser irrung. Wer aber das wir unser erben, miterben oder ander läut von unsern wegen den obgenanten herren und irm goczhaus ze Sandpolten an dem obgenanten gut oder wem si daz gebent oder schaffent, icht irrung chrieg und invell teten, allen den schaden den si des nemment, wie der schad benant ist, dhein^d schad ausgeno^emen noch hindan gesaczt, das sullen wir in ausrichten und widerchern, und sullen si daz haben dacz uns unverschaidenlich von ainem auf dem andern und auf all unserm gut, es sei eribgut oder varundgüt‚ daz wir haben oder noch gewinnen in dem lande ze Österreich, oder wo wir daz haben, wir sein lebentig oder tod. Mit urkund des brifs den wir und all unser erben und miterben den obgenanten herren und dem goczhaus ze Sandpo^elten besiglten geben mit der erbern Chu^enrats von Frewnczhawsen, Petreins des Grawln von Inczestorf und Fridreich des Schifer^e richter ze Sand Pölten dreier insiglen, in an schaden, di wir vleizziglich darumb gepeten haben, daz si der sache gezeugen sind mit irn insigln, darunder wir uns obgenanten all unser erben und miterben mit unsern trewn an aidestat verpinden, alles daz stet ze haben, das vor an dem brif^f geschriben stet, der geben ist an sand Augustinstag, nach Christi gepurde dreuzehenhundert jar und in dem acht und neunzigistem^g jar.

Source Fulltext: LAMPEL, Urkunden Sanct Pölten (=FRA II, Wien 1901) S. 390-392