No. 362. 1463. 18. Jan.

S. Thomas zu Leipzig und deren Untersassen ausgedehnt worden ist.

Ich Heinrich Smed von keyserlicher gewald des heyligen Romischen richs vnde myns gnedigen lieben hern von Colne friegraue zcu Volgmerssen bekenne yu dusseme offen uorsigelten brieffe vnde thu kunt deme allirdurchluchtigesten hoch- mechtigesten fursten vnde heren hern Frederiche Romischen keysere allezciit merer des richs, herczogen zcu Osterich, zcu Steyr, zcu Kernten, zcu Crain vnde grauen zcu Tyroll je. myme gnedigesten lieben heren vnde furder allen des richs lieben getruwen fursten vnde hern erczbischoffen bischoffen herczogen marggrauen burg grauen grauen baronen ritteren knechten amptluden schultheyßen richteren geistlichen vnde wertlichen, allen gewerdigen friengrauen vnde frienscheffen der heyligen heym lichen achte, allen ersamen stedden margkten flegken dorffen vnde furder allen luden, die dussen brieff adir sine wäre copien sehin hören ader leßen, das der ersamme Mattis Mackewitcz eyn echt recht vnde gewerdiget friescheffe der heyligen heymli chen achte vmme synes gütlichen rechten wyllen etzliche borgere zcu Lipczik mit geistlichen forderungen bullen vnde mandaten der muter der heyligen kirchen von deme concilio zcu Basel gegeben erfordert vnde gemanet haid, der geistlichen vor- manunge vnde forderunge sie alliß nicht geachtet vnde darinne gelegen haben alse vncristen lüde, darvmbe hait he darnach brachium seculare angeruffen, sintdeme sine widdersache solicher geistlichen forderunge nicht wolden achten, vnde die selben sine widderpartie mit den keyserlichen gesetczen des heyligen Romischen frien gerichtes erfordert vnde gemanet haid an deme frienstule gelegen vor Volgkmerssen uff deme ride na lüde siner behaldis vnde der sentencien siues kummer brieffes, das sie alse vngehorsamme lüde des heyligen Romischen richs vorachtet vorsmeet vnde nicht dar ane gekart haben. So haid furder der gnante Mattis die fursten vnde hern den

COD. DIPL. BAJt. II. 8. 37

"-

290

ere/bischoff zcu Magdeburg vnde herczogen Frederich von Sachsen je. vnde irer gnaden lande vnde lüde alse forsten des richs hoch vormanet durch sigele vnde schriffte," sie geheischt by schelten eyden, ime uff sine Widdersachen zcu gunnen vnde zcu gestaden vnde bystant zcu thunde zcu soliclien sinen erwunnen vnde erstanden Sachen na lüde sines kummerbrieffes je., daz en dan nicht hait mocht h elften. Dar nach haben die probiste zcu sanct Thomas zcu Lipczk vnde zcome Nuwenwergke vor Halle den gnanten Mattis vmme der gnanten siner widderpartye wyllen von Lipczk mit eren vngeborlichen dränge bedränget widder die geböte vnde gesetcze der muter der heyligen kirchen vnde der keyserlichen Römischen frien- gerichte, von soliclien vngeborlichen geistlichen dränge vnde beswerungen der ergnan- ten probiste der obgemelte Mattis sich beruften vnde geappellirt hait nach frienstuls rechte"), williche appellacien he vor my in gerichte haid leßen laissen. Also habe ich ouch vmme solicher vngeborlichen geistlichen bedrangunge wegen die gnanten probiste, indeme das sie sich mit solichen vngeborlichen bedränge in vnde widder die keyserlichen Romischen frien gerichte vnde gesetcze geczogen vnde gethan haben zcu hoene vnde smaheid der heyligen heymlichen achte, zcu geborlichen zciiden an den gnanten frienstule geheischt vnde geladen habe, soliche ere vngeborliehe bedran gunge mit rechte zcu vorantworten, deme sie dan also nicht gethan haben. Daruff ist deme ergnante Mattis vor my in gerichte durch recht mit vrteyl vnd rechte erkant vnd gewiset an deme ergnanten frienstule vff hude datum dusses brieffes, daz die ergnanten probiste so hoch vnde vollenkommen sollen ubirwunnen vnde erstanden sin midt solicher sentencien des kummers, alse des obgnanten Mattis widderpartie, vnde besuudern Mattis uff de selben probiste behalden zcu gebracht erwunnen vnde erstanden haid von koiste zcerunge hinder vnde schaden alse gud als zcwey hundert Rinsche gülden, alse he des von erer vngeborlichen bedrangunge vorgnant wegen biß uff diisse zciit genommen vnde geledden hait. Also ist vorder deme gnanten Mattis vor my in gerichte midt vrteyl vude rechte erwiset vnde erkant durch recht nach frienstuls rechte, daz eme soliche sine erwunnen erstanden vnde behalden sache uff die probiste ergnant nymand ensulle noch cninoge widderdringen noch widderlegen geistlich noch wertlich noch sust in keyne wiis, he thu eß dan durch recht nach frienstuls rechte vor dusseme ergnanten frienstule adir eyme ande ren, wan dusse entleget wurde, sunderen he sulle vnde möge vmme soliche sine erwunnen vnde behalden sache vorgnant der gnanten probiste vnde alle erer vnder- saissen, wii die rianien [haben], eygen lybe vndc gude uff allen stedden in aller maisße alse die selbschuldigeren sine widderpartie ergmelt kümmeren vnde uffhalden, dawidder dan keyne priuilegia noch statuta geistlich noch wertlich, wie die gegeben mögen sin adir werden, widderstant thun sollen. Hirvmme so gebyde ich Pteinrich friegreue obgnant von keyserlicher gewald vnde macht myns gerichtamptes des hey ligen Romischen richs allen gewerdigen frienscheffen by eren eyden vnde gelobden, die sie zcu der heyligen heymlichen achte gethan haben, vnde den vnwissenden by der svveren pene funffczig phunt fynes guldes konniglicher büße, daz sie widder dusse puncte vnd artikele vrteyle vnde rechte sanipt vnde besunderen in dusseme

a) No 361.

291

brieffe begreifen midt Berichte adir vngerichte mit Worten adir \vergken lieymlich adir offinpare geistlich noch wertlich noch sust yn keyne wiis nicht thiin; wie hir widder thede vnde solichen mynen keyserlichen geboten vngehorsam wurde, des ich nicht enrade, vnde my adir eyme anderen gewerdigen friengrauen das vonneldet vnde vorclaget wurde, den adir die muste men darvmbe forderen vnde manen vnde die bnße uffslaen nach frienstuls rechte, das dan eyme iglichen zcu swere kommende wurde. Eyn iglicher wisse sich hirinne wißlich vnd geborlich zcu haldende by der hoisten büße vnde der treffen erfarnekeid der heyligen heynilichen aclite, rade ich getruwelichen. Iliir bii obir vnde aue sind gewest die vesten Mcrtin Runst, fiJosert von Dorefeld vnde die ersamen Hiildebrand Zickerssen richter, Hans Heyneman de foyt, Hans Koich, Conradus Langhalß vude andirs vele mer echte rechte friescheffen vmmestendere des gerichtes. Zcu kuntschaff allir vorgnanten stugke hain ich Hein rich friegraue obgnant myn ingesigel vestlichen an dussen brieff gehangen. Datum anno domini millesimo quadringeritesimo sexagesimo tertio tertia feria proxima post diem beati Anthonii confessoris.

Nach dem Orig. im Rathsarchiv zu Leipzig mit dem Siegel des Freigrafen an einem l'ergamentstreifen.