No. 256. 1449. 2. Juli.

Friderich von gots gnaden herczog zcu Sachssen, lantgraf in Doringen vnd marcgraf

zu Missen. ,

Lieben getruwen. Noch solchen wilden loufften mit heerczogen von etlichen vns nah gelegen fursten steten vnd landen iczund vorhanden, der anheben vor ougen ist vnd des abe- ganges vnd ufhorens wir nicht können noch mögen gedencken, haben wir vns vnsern landen luthen vndirthanen vnd den, die vns zcugetan vnd gewant sind, zcu befridunge in kurcz ein feld zcumachen furgenomen, dodurch wir vnd die vnsern, ab sich ichs machte, das wider vns sin solt, mit gots hulffe vngeleidiget vnd vnbeschediget mochten bliben. Dorumbe so begern wir von uch mit ganczem ernstem flisse, das ir uch mit der helffte als zcween virteln in uwer stad yderman mit sins selbs liebe zcuzcihen, mit waynen, vier steinbuchssen, buchssenmeistern, puluer vnd steynen dorczu gehorinde, armbrusten, hantbuchsen, spissen vnd flegeln in allermasse wir das vormals bii uch geordent vnd eigentlich zcugeschriben haben gancz dornoch rüstet, stellet vnde richtet inbereitschafft zcu siezen, also wanne wir uch anderwet schriben, zciit stete futter vnd lager benennen, alsdanne vns vngesumet in obgeschribener masse gancz rüstig uolget, vnd in keynwise vorhaldet, vns vnsern lanten luten vnd uch selbs zcu befridung ere nucz vnd fro- men. Das kompt vns von uch zcu besuuderm dancke. Geben zcu Rochlicz am mitwochen visitationis Mariae anno domini :c. XL nono.

Dem rate zu Lipczk vnnsern lieben getruwen. Nach dem Orig. im Rathsarchiv zu Leipzig.