No. 105. 1395. 7. Jan.

Wir Ticzmann von Syferdishain vnd ändern ratislute vnd gesAvorne gerneyn- lichin vnd dar czu dye burger gemeynlichin der stad zu Lipczk bekennen offentlichin mit dissem keginwertigen briffe — daz wir dem vorsichtigen manne Johanse von Wulffen vnsserm aldin stad schriber11) recht vnde redelichin uorkouft habin achte

65

schog gutir Missner gr. alz sye genge vnd gebe sin ierlicher guldc vnd czinsses czti syme lybe vnd lebene vnd habin ym die gcgebin vmb vir vnd sechzig schog gr. der uorgnanten were, der er vns nuczlichin vnd wol beczalt hat vnd dy wir in vnsser stad gemeyne nutz vnd frommen kuntlichin gewant habin. Dez vorgnanten czinses globin wir ym vir schog gr. czu leistene vrnle czu beczalne uff den nesten sente Johannestag tzu mittin sommir der schirmt kumpt vnd vir schog gr. uff des heiligen Cristes tag der nest darnach volgit, vnd denne vorwartir alle iar die wile er lebt uff die seibin tagecziit, vnde enwullin noch ensullin des nicht lassin durch keins gebotis noch vorbyteus willin von geistlichin adir werltlichin gerichten. Ouch enwullin wir noch ensullin ym von disen uorgenanten renthen vnd czinsen keyn geschoz noch phlege, wy dy vmir gesin mochte, on geheischen noch fordern, sundern er sal dise rente vry habin die wile er lebt, wenne abir er gesterbit, so sal sye vns wedir wer- din quit ledig vnd los. Das wir vnde alle vnse nachkomlinge dise vorschrebin rede vnd globde stede gantz vnd unuorbrochin wollin haldin an alles arg, des habin wir vnsser stad grosse ingesigil czu eyui gewissiu orkunde vnd geczugnisse lassin hen- gen mit vnsserm gutin wissen an disen keginwerrigin briff. Datum anno domini M". CCC". XCV°. feria septima post cimimcisionis domini.