No. 187. 1435. 11. Juli.

Wir Friderich von gots gnadin herczog zcu Sachsen lantgraue in Doringen vnd marcgraue zcu Missen bekennen —. Nach dem vnd die wirdigin vnd erbarn probiste capittel vnd gancze sampnunge des closters zcu sente Thomas vnsere libin andechtigin an eynem vnd die ersamen weisen burgermeistere vnd rete vnsir stad Lipczk- vnd liebin getruwen an dem ändern teyle in vnwillen vnd in teydingin von eyns grabins hindir irem clostir vnd andir sachin gewest sind vnd nu der mechtic- lichin von beyden teylen, sie daruß zcu entscheiden, vnwiddirsprec'hlichiu vff vns vnd vnsern rad seyn gegangin, sprechin wir mit wissen vnsers rates hir nach geschrebin, das die egnanten vnsere bürgere zcu Lipczk den grabin hinder irem clostere zcu ewigin geczeiten habin, buwehafftig haldin vnd der fische dor innen genissen sullen, abir die gnanten bürgere sollen dem egnanten probiste vnd seiner sampnunge gvnnen eynes stegis ubir den selbin grabin zcu irem boimgarten vnd dar inne zcugehin als offt yn des noid seyn wirdit, doch also, das die egnanten pro bist vnd capittel den seibin steg vorslossin haldin sollen, das vns, vnsern burgern adir der stad icht schadin douon enstehe adir körnen möge. Hirbye sind gewest der erwirdige in got vatir herre Johannes bisschoff zcu Merseburgk, der wirdige er Heinrich Loubing thumprobist zcu Nuemburg vnsir cauczler vnd die gestrengin Con- rad vom Steyn vnsir obirstir marschalgk, Friderich von Malticz vnd Hans von Schonenberg vnsere libin heren vnd frund, rete vnd getruwen. Des zcu orkunde habin wir herczog Friderich vnser insigil wissintlichin vndin an dissin brieff lassen drugken, der gegebin ist zcu Lipczk nach gotis gebord virczenhundirt darnach im fumffvndrissigisten iaren am mantage nach sente Kylianiß tage.

Xach dem Orig. auf Pergament mit dem aufgedrückten Siegel des Kurfürsten im Rathsarchiv zu Leipzig.

134