Wir Fridr. je. bekennen je. das wir mit deine wisen bescheiden manne Wern- her von Wiczzceleiben bürgere zcu Erforte, Conr. sinem sune, Hanse von Tannenrode, Hanse von ..., H. von Hermanstat vnde Günther von Rokstet burgern da selbins also getedinget haben vnde obireyn körnen sint, das wir ym vnser geleite zcu Lypcz mit alle sinen geuellen nuczzcen vnde rechten gelassen haben von diseme hutigen tage ober eyn gancz iar vmme dryhundert mark lotiges silbers Erfordischcr were vnd gewichtes also bescheidenliche , daz der selbe Wernher vnde sine frnnde vor genant vns an den drenhondert marcken vnde dry vnde sechzcich marcken, dy wir deme seibin Wernher schuldig sin, dy dryhondert marck, da vor wir ym vnser geleite zcu Lypcz yczcunt seczzcen, abeslahen sullen, vnde di dry vnde sechzcig marck, di wir ym dar ober schuldig bliben, da sollen sie das selbe vnser geleite zcu Lypcz von [vns] haben also lange, bis das . . sy dy seibin dry vnd sechzcig marck da von vf genomen haben; wenne das beschiit, so sal vnser geleite zcu Lypcz von yn loz vnd ledig sin vnde an vns vnde vnser erbin lediglich wider gevallen. Were aber das wir vnser geleite wider habin woldin wenne das iar vz querne, so sullen wir den vorgenanten Wernher sime sone vnde frunden die vorgeschribenen dry vnde sechzcig marck gereite geben vnde bezcalen. Vnde das wir dise vorbeschribene rede stete vnde gancz vnde vnvorbrochchenlich halden sollen vnde wollen, das gelobe wir vor vns vnde vnser . . erbin in guten truwen an diseme brife. Diser dinge sint tedingere gewest vnde ouch gezcuge Th. Vicztom von Appolde, VI. von Slathebach, Alb. von Malticz, Lutolf von Alrestete, Frid. von Ponicz rittere, Heinr. Truchsesse, Conr. prothonotarius. Dat. in die beatae Elyzabeth

Nach dem Copiale 25 fol. 12 im K. Haupt-Staatsarchiv zu Dresden. Die Schrift ist an einzelnen Stellen fast vollständig verblichen.