No. 211. 1442. 17. Apr.

Friderich von gots gnaden, herczog zcu Sachsen je. Lieben getruwen. Als wir am nehsten etlichen vnsern steten vnd mannen geschriben haben vmbe folge vnd hulff wider Hanse Marschalke zuthun je. habt ir wol verstanden. Also haben sich des selben Hansen sache nach vnsers herren von Merseburg vnd uwerm abeschiit von vns am nehsten von Wissenfels in solicher maße erfunden, das wir vnsern ernst gein ym bewiesen müssen. Dauon ermanen wir uch mit ganczem ernste vnd bie vnsern hulden, das ir ane alle entschuldigftnge vns uwerer rostigisten vnd tögelichg- sten manne czweyhüudert zu roß vnd wayn mit hämische, handbuchsen, annbrusten, pafoysen vnd anderm geczuge darczu gehörende vff das aller beste gefertiget vff den nehsten zukomenden sonnabind zciitlichen gein Molberg schicket vnd auch domit czwo steinbuchsen, die grosten die ir gehaben müget, mit puluer vnd steynen souil eyn notdorft ist vnd luten die domit können, vch auch also vßfertiget mit allen not- dorftigen dingen vier ader sechs tage im felde zubeharren. Vnd bestellet mit den uwern, vf solichem zcoge bescheidelich zu sin, nymande keynen schaden zuthun vnd sich an Hildebrand Troczschler vnsern rad vnd Volrad Griffogil vnsern lantuoit vnd lieben getruwen zu halden, nach yn in solichen sachen als nach vnsselbist zu richten. Verhaldet des in keyne wieß, alsferre ir vnser vngunst wollit vermiden, vnd besuchet hirinne keynerley furder behelffunge. Gebin zu Wissenuels am dinstage nach Mi- sericordia domini je. anno je. XLIIdo. •

Dem rate zu Lipczk vnsern lieben getragen.

Von anderer Hand unten am Briefe bemerkt:

Der rat was am sontag Miscricordias domini bie vnserm hern zcu Wissenuels, et postea quando fuimus in Serhusen direxit istam litteram, et non scripsit causam, worumme die sachen sich anders gemacht .betten.

Nach dem Orig. im Rathsarchiv zu Leipzig.