Friderich von gotes gnaden herczog zu Sachsen je. vnd marcgraf zu Missen.

Liben getruwen. Als ir iczund von wegin Gerhards vnd Lutolffs der Mar schalge geschrebin vnd des iren brieff mit gesand habet, dorinne sii beruren, wie wir sii von bete wegin vnsers hern von Magdeburg am nesten gein Wissenuels betaget haben vnd doselbst die sache yn biewesen vnsers liben bruders herczog Wilhelms, vnsers herren von Merseburgs, grauen Heinrichs von Swartzpurg vnd anderer vnser rete gehandelt sü wurden, haben wir verstanden. Vnd als sii in demselben irem briue furbas melden, wye yn von vns kein antwert habe möge wer den, thun wir uch wissen, das wir uff dem tage zu Frieberg am dinstage nach Mauricii nestuergangen von vns besucht iren frunden haben lassen zusagen, wolt ir bruder Hans tag uff bürgen haben, indes pflegen vnd thun souil, als durch vns vnd vnser rete erkand wurde, als das sine frunde wol verstanden haben, dann wolten wir ir geleite erstrecken, Hansen vnd yn für vns in vnsern hoff bescheiden vnd sii, nochdem als Hans ir bruder von vns kerne, schuldigen ab vns das not were; des nft Hans ir bruder nicht hat wollen verfolgen, darumbe vns auch nicht gefuget hat, sii furbas zugeleiten. Vber das sind ire frunde abermals für vns zu Missen am

"v.

165

nestuergangen montage gewest, vns gebeten, yn zugunnen mit Hansen Marschalge per sönlich zureden, das wir yn danne also gegtmnet vnd zugesaget haben. Werden vns nfi dieselben sine frunde zcusagung thnn, das ir frund Hanns Marschalg furgeleigten wegin, die yn wol wissentlich sind, wolle nochkomen, dortzu wollen wir sii, ab sii des an vns gesynnen, in vnsern hoff geleyten vnd sii, ob vns des nod sin wirdet, schuldigen. Daruff begern wir mit fliße, ir wollet vns gein denselben Marschalken vnd wo des nod sin wirdet verantwerten. Doran tut ir vns zudancke. Gebin zu Rochlicz am sontage Calixti anno je. XLIIdo.

Dem rate zcu Liptzk vnsern lieben getruwen.

Nach dem Orig. im Rathsarchiv zu Leipzig.