No. 97. 1391. 10. Jan. '

Wir Johann Alberni burgermeistir, Otto Crucziger, Conrad Czwenkow, Jo hann pellifex, Martin Rotow, Nickel vz der muncz der eider, Heinrich Czomer, Nicolaus Czweppman, Johann Vtthusen vnd Ditherich Bog ratmanne der stad Lipczk bekennen offenlichen — daz wir mit gutem vorrate wissin willen vnd volbort allir drey rete vnd der ganczen gemeine eintrechtiglichen den ersamen hern ern Albrecht pharrer czu Pomssen czu einem Vorsteher vorwesir vnd houemeistir in s. Johannis hospital vnd hof vor vnser stad Lipczk williglichin genomen vnd empfangen haben, also daz er mit hülfe vnd anwisting eines ratmannes, der ime von vns oder vnsern nachkomenden burgirmeyster vnd ratmannen von jar czu jar czu einem spitalmeystir wird gegebin, den gnanten s. Johannis hof mit allen czinßen nuczen vnd fruchten, dy daczu gehören, sal vorstehen vnd vorweßin mit phlege, nemlich den armen sie chen, als er gote dem hern vnd vns mit siner rechnung, dy er von jar czu jar von einem rate czu dem ändern tun sal, sich getrauet zu verantworten. Wenn aber der gnante her Albrecht des hofes von krankheitswegen seines leibes nicht langer zu vorwesin vnd vorczustehin vermochte, so sal iine czur widerstatunge siner guter, dy er in den hof kuntlichin geben vnd bracht hat, eyn schok ierlichin czinsis von des hofes gewißen czinsin czu sinem übe vnd dywil er lebet in dem hofe lediglichin

folgin; och sal er wonunge vnd phrunde dywil er lebit in dem gnante hofe habin vnd mit eynem hofemeystir, der nach ime gesaczt wird, teglichin czu tische gehen, als das teglichin ge\vonlich were. Geschee abir, daz gnanter er Albrecht in s. Jo- hannis houe vorstirbe, das got lange wende, adir ane not vnd redeliche sache von deme houe czoge, was er dan gut vnd landhabe in den hof bracht hette, das sal dem houe czu siner seien selikeyt genczlichin bliben vnd folgin vnd anders nymand.' Datum dinstags nach epiphan. 1391.

Nach Barthel's Diplomatar Lips. III fol. 57 im Ratlisarchiv zu Leipzig.