Dat. 30. November 1356.

Ich Zaychreis der Hadrer vnd ich Ann sein hausvrow veriehen

— daz wir — verchauft haben vnsers rechten chauf aygens Sech- czich Emmer weins geltes Perchrechtes, vnd ain halb phvnt wienner phenning geltes, daz dar zu gehöret, vnd daz alles gelegen ist auf zwainezich Jeuch Weingarten ze Newnburch Chlostcrhalben, des ersten in der Weydnich in dem Wechincher vnd in der Zyegelgrüb Vier Jeuch, vnd an dem Weinhaus Dritthalb Jeuch, vnd an der Eren vierdhalb Jeuch vnd zway achtail, vnd in dem Hentleinsgra- ben vierdhalb Jeuch, vnd an dem geswent vnd an dem Satelsteyg drev Jeuch vnd drev achtail, vnd an dem hymel vnd an dem obern Aychweg Dritthalb Jeuch vnd drev achtail — Vmb hundert phunt vnd vmb zehen phunt alz wienner phenning, vnd vmb vier guldein phenning mir Annen ze Ley chauf— dem Erbern mann Jansen dem Freisinger vnd seiner Hausvrown, ver Vrsula vnd swer den prief

375

inne hat -— — Darvmb so geben wir in disen prief — ver sigelten Ich egenanter Zachreis der Hadrer vnd ich Vlreich der Enczestorfer mit vnsern Insigeln, des ist auch geczeug mit seinem Insigel der erber mann, Wysent an dem Anger, des alten Sluzler sun, purger ze Newnburch Chlosterhalben — Diser prief ist gegeben — drevzehen hvndert Jar, darnach in dem Sechs vnd fumfczigistem Jar an sant Andres tag, des heyligen zwelf poten.

Chartularium Archivi III. fol. 86. b.

Cf. die Urkunde 326.