Wir Heynrich vnd Albrecht gebrudere von gotis gnaden burkgrafen czu Lysnik bekennen offinlich in dissem brife, das wir czwu hufen in deme dorfe czu Gryn"), der Petir von Wydow eyne hat vnd Henczlich Gluben son vnd Symon do selbins dy andere hat, vnd do von vns dy vorgenanten lute alle iar czinsen acht scheffil getreidis halb weyse vnd halb gerste vnd acht vnd czwenczik grose breitir uf sente Michils tak, mit allen nuczen eren vnd rechten vorkouft haben vnd in dissem kegen- wertigen brife vorkoufen den erbern herren Johannes probist, Ditterich techand vnd dem capittil czu Misne vmme czehen schok breyter grosschin, dy sye vns bereit nuczlich beczalt haben, vnd vorczihen vns in disme selben brife aller ere vnde nucze, dye wir uf den vorgenanten czwen hufen haben gehat, vnd eygen das selbe gut vor- geschriben mit allen rechten, also wirs bis do her gehat haben, den vorgenanten herren vnd capittil czu Misne. Das wir das stete halden vnd ewiklich vnvorrukt blibe, so gcbe wir dor ubir dissen brif mit vnsirn insigiln beuestit vnde bestetit, der gegeben ist nach Cristi geburt driczenhundirt iar in deme eyne vnd sechczigistem iare an sente Jurgen tage.

Nach dem Orig. im K. Haupt - Staatsarchiv zu Dresden mit den Siegeln der Burggrafen an einem Pergamentstreifen.

a) Grunau bei Rosswein, Par. Nioderstriegis. (?)