Johannes episcopus servus servorum dei venerabili fratri episcopo Halbirstadensi salutem etc. Iustis et honestis etc. Sane petitio venerabilis fratris nostri archiepiscopi Magdeburgensis nobis nuper exhibita continebat, quod licet ecclesia Misnensis ab iuitio fundationis suae usque ad annum undecimum Bonifacii VIIII. in sua obedientia nuncu- patae ecclesiae Magdeburgensi metropolitano iure subiecta fuerit, tamen Wilhelmus quondam marchio Misnensis a iurisdictione dicti archiepiscopi Magdeburgensis eximere procurans, ct falso asserens eandem Misnensem ecclesiam a primaeva sua fundatione fuisse liberam et exemptam Romanaeque ecclesiae et non alteri immediate subiectam, ab eodem Bonifacio exemptionis littcras impetravit, prout in litteris ipsius Bonifacii desuper confcctis plenius dicitur contineri. Et sicut eadem petitio subiungebat, idem archiepiscopus asserit, huiusmodi exemptionem ab eodem Wilhelmo olim minus debite impetratam ex certis evidentissimis causis surreptitiam esse et iuribus non posse sub- sistere, prout patere potest evidentissimis documentis: pro parte praefati archiepiscopi nobis fuit humiliter supplicatum, ut huiusmodi praetensam exemptionem auctoritate apostolica revocare cassarc et annullare, ac ipsum archiepiscopum eiusque ecclesiam

395

Magdeburgensem in statum pristinum restituere et redintegrare de benignitate aposto- lica dignaremur. Nos igitur de praemissis certam notitiam non habentes, huiusmodi supplicationibus inclinati, fraternitati tuae, de qua in his et aliis specialem in domino fiduciam obtinemus, per apostolica scripta committimus et mandamus, quatenus vocatis qui fuerint evocandi, de praemissis omnibus et eorum circumstantiis universis aucto- ritate nostra te diligenter informes, et quicquid per huiusmodi informationem reperis, nobis per tuas patentes et autenticas litteras tuoque sigillo munitas harum seriem continentes reserare procures, ut huiusmodi tua relatione de praemissis sufficienter instructi consultius et maturius procedere valeamus. Datum Romae apud [sanctum Petrum VI. Kalend. Julii pontificatus nostri anno tertio.

Nach dem Liber copiar. des 15. Jahrh. im Provinzialarchiv zu Magdeburg No. LXII fol. 467b. Bruns Beitriige II. 244. (C. E. Weisse) de exemtione episcopat. Misn. p. XIII sq.