Wir Rudolff von gotis gnaden bisschoff zu Missin, Cunrad von Kakericz czum Satan gesessin, Hans von Grisslaw czu Ditersbach, Keseling von Hermansdorff zum Policz vnde Hans von der Plawnicz da selbist gesessin burgen bekennen —, das wir

— schuldig sin den edlin herren, ern Hinken Birken von der Dube herren czum Hoenstein vnde em czu getruwer hand Nickil von Gusk sinen houptman, adir wer dissen briff innehad mit irem guten willin, sechczig marg Bemisscher grosschen Pol- nischer czal, die genge vnde gebe sind —. Die selbin — gloubin wir — dem egnanten

411

ern Hinken Birken von der Dube, Nickil von Gusk synen getruwen hender — vff den nehestin czukumfftigin Walpurg tag ane arg czu beczalin. Tetin wir des nicht vnde seumig an der egnanten beczalunge weren, so globen wir egenanten burgen iczlicher besundir inczuriten in die stad gein Sluckenaw, iderman mit eynem knechte vnde czwen pherdin ader eynen andirn erbern knecht mit also vil knechten vnde pherdin inczusendin in eynes bedirmanes gastgebin haws, in welchs wir — vormanet werdin, vnde vs deme egenanten inleger nicht zu komen, die egenanten vnsir glober, syn getruwehendir, adir wer dissen brif mit iren guten willen innehat, werdin der egenante sechczig marg gr. gancz vnde gar beczaht, mit allen mogelichin schadin, czu cristen adir zu iuden —. Das wir alle disse rede, — vnuorrugt haldin wollin vnd sullin, habin wir — vnsir ingesigil iczlicher besundir an dissen briff lassen hengin, der gegeben ist nach Cristi geburten virczenhundirt iar, dornach in dem virczenden iare, am dinstage nach Katharine.

Nach dem Liber Rudolphi fol. 81 .im Stiftsarchiv zu Meissen.

Nachrichten von d. Hohensteinischen Amts-Stadt Neustadt etc. 1759. S. 6 f.