Wir Friderich, Balthazar vnd Wilhelm von gots gnaden langrauen in Durin- gen, margrauen tzu Meissen, in dem Ostirlande vnd tzu Landizberch, grauen tzu Grlamunde vnd hern dez landiz tzu PlyCen bekenne offinlichen an disem brieue vnd tun kunt allen den, die in sehen horn odir lesen, daz wir eintrechticlichen mit wol- bedachtem muete durch gotis ere vnser altuordirn vnd vnser selbens selen selikeit willen, sundirlichen durch rechte fruntschaft vnd liebe, die wir tzu dem erwirdigen vatere in gote herren Johanns bischoph tzu MeiCen mit gantzem hertzen tragen, dem selben vnserm hern vnd lieben frunde, allen sinen nachkumen bischophen vnd dem gotzhuse daselbens alle vnser recht gerichte vnd gewonheite, der wir vns in dem dorfe tzu Aldinmugelin innewendig den tzeunen vndirwundin hatten, gegeben geeigent vnd gefriet haben von vns vnd vnsern erben gerueclich tzu besiczen vnd ewiclich tzu behalden, vnd haben vns dar an vortzigen allir ansprache vnd vorde- runge, die wir in dheinewiis dar an gehaben mochten, vnd geben vnd bestetigin in die egenanten recht gerichte vnd gewonheite tzu rechtem eigen in allir wise, alz oben- geschriben stet mit vrkunde diz brieues, daran wir alje vnser ingesigel tzu merer sichirheit gehangen haben. Hir bie sint gewest vnd sint ouch getzugc der erwirdige herre Ludewich apt tzu Saluelt vnser liebir andechtigir, der edele Friderich von Schonenburch herre tzu Gluchow, die strengen Ditherich vom Honzberge marschalk, Friderich von Kothewicz, Hannus Portzk rittere vnd gnug andir leute, den ouch wol ist tzu gleuben. Geben tzu Wizzenfels noch gots geburt dreucenhundirt iar dar noch in deme vier vnd sechtzigisten iare an send Arnolfi tage.

Nach dem Orig. im K. Haupt - Staatsarchiv zu Dresden mit den kleineren Siegeln der Markgrafen (wie No. 540) an Pergamentstreifen.