In nomine domini amen. Nos Nicolaus dei gratia decanus totumque capitulum ecclesiae Misnensis — notum esse volumus — quod cum . . testamentarii et ultimae voluntatis executores honorabilis quondam viri domini Friderici de Milticz, praepositi Wurczinensis nostri concanonici, nobis capitulariter congregatis ad nostram praesen- tiam accessissent et nomine eiusdem quondam domini Friderici in remedium animae suae suorumque progenitorum quatuor volumina bibliae sacrae cum quodam libro expositionis vocabulorum per eundem quondam dominum Fridericum derelicta et olim propriis suis denariis, expensis et impensis sumptuose comparata, nobis nostroque capitulo et ecclesiae perfecta donatione liberaliter et pie obtulissent, tradidissent et donassent sub eo modo, ut festum circumcisionis dominicae, quod retroactis temporibus in nostra ecclesia dumtaxat dominicaliter teneri consueverat, ob devotam ipsorum instantiam ipsiusque festi et diei, quo pro communi omnium salute fidelium dominus Jhesus Christus primum fudisse sanguinem creditur, specialem reverentiam de cetero et in antea perpetuis utique temporibus cum magna praepulsatione, dominorum pro- visione et ministratione, cantu in organis, ornamentis et praeparamentis missalibus aliisque omnibus et singulis sollempnitatibus, sicut ipso die nativitatis Christi nullo penitus excepto, festivaliter et omnino sollempniter peragere, festivare et sollempni- sare dignaremur, secundum ordinem tamen de festo praedicto alias in nostro breviario contentum, eo dumtaxat adiecto, quod responsorium ,verbum caro factum est' in primis et secundis eiusdem festi vesperis modis omnibus observetur et sollempniter decantetur, et quod etiam per procuratorem nostri capituli, qui pro tempore fuerit, de redditibus nostris capitularibus in omnem eventum custodi pro luminaribus duo grossi cum quinque hallensibus, campanatori ut sollempniter pulset tantum, subeustodi unus grossus, rectori scolarium unus grossus, cantanti in organis unus grossus, et calcantibus in eisdem similiter unus grossus, ut omnia, prout ad quemlibet pertinet,

177

debite peragantur, sine diminutione et difficultate qualibet annis singulis minlstrentur, nobisque ob id dicti . . testamentarii cum magna precum instantia humiliter et devote supplicassent, quatenus dictam ipsorum donationem, nomine quo supra, ex causis praemissis nobis tam pie tamque devote oblatam pro sollempnisatione praedicti festi per modum supratactum grato susciperemus affectu ipsumque festum taliter sollempni- sari et festivari per modum perpetui statuti in nostra ecclesia perpetuis utique tempo- ribus faceremus, certumque pro ipsius sollempnisatione statutum desuper facere curaremus. Nos igitur eorum precibus tamquam iustis et rationabilibus non immerito annuentes et dictam ipsorum donationem ratam et gratam habentes, de unanimi et concordi nostri capituli consensu pariter et assensu statuendum duximus et praesen- tibus statuimus, praedictum dominicae circumeisionis festum in antea singulis annis perpetuis inquam temporibus in nostra ecclesia secundum affectum et desiderium dictorum testamentariorum cum magna praepulsatione, provisione et ministratione dominorum, cantu in organis, praeparamentis et ornamentis missalibus aliisque omni- bus sollempnitatibus ipso die nativitatis Christi fieri consuetis sollempnisandum et observandum esse et taliter sollempnisari et observari debere, secundum ordinem tamen de ipso festo alias in nostro breviario contentum, cum adiectione responsorii ,verbum caro factum est' in primis et secundis vesperis, ut supra dicitur, utique decantandi, et ad illius sollempnisationem et observationem per omnem modum supra- scriptum vigore dicti statuti nos et nostros successores in perpetuum astrinximus et astringimus per praesentes, dictas etiam ministrationes pro custode, campanatore, subeustode, rectore scolarium, cantante in organis et calcantibus in eisdem, ut supra scribitur, faciendas ipsis et cuilibet eorum de communibus capituli nostri redditibus annis singulis incommutabiliter et inviolabiliter dare et persolvere promisimus et pro- mittimus bona fide, et ad illorum solutionem nos et nostros posteros obligavimus et obligamus harum, quibus sigillum nostri capituli appensum est, testimonio litterarum. Datum et actum Misnae anno domini millesimo trecentesimo septuagesimo nono in die beati Thomae apostoli, quae fuit dies vicesima prima mensis Decembris.

Nach dem Orig. im Stiftsarchiv zu Meissen mit dem Siegel des Capitels an einem Pergamentstreifen.