In nomine sanctae et individuae trinitatis amen. Nos Ludovicus Romanus, dei gratia Brandenborgensis et Lusaciae marchio, sacri Romani imperii archicamera

46

rius, comes palantinus Reni et Bavariae dux, ad universorum tam aevi praesentis quam futurae posteritatis hominum notitiam cupimus pervenire, quod vir honorabilis dominus Conradus de Kirchberg vel de Walhusen dictus, archidiaconus Lusaciae in ecclesia Misnensi nostram accedens praesentiam supplici ac devota nobis precum instantia supplicavit, quatinus divinae remunerationis intuitu indulgere, annuere et consentire dignaremur, ut praepositura seu eeclesia parrochialis in Lubbin eiusdem Misnensis diocesis appropriaretur, incorporaretur, uniretur et annecteretur archidiaconatui Lusa- ciae memorato. Nos igitur iustis piis et rationabilibus eiusdem domini Conradi precibus favorabiliter inclinati, suis obsequiis fidelibus quondam inclito Friderico, marchioni Mis- nensi felicis memoriae, sororio nostro, ac ipsius heredibus exhibitis et successu tem- poris peramplius exhibendis diligenter pensatis, ac clerum et populum terram Lusaciae inhabitantes a laboribus, expensis et viarum periculis relcvare non modicum cupientes, ob progenitorum, nostrae, heredum et successorum nostrorum et specialiter olim magnifici Ludowici, marchionis Brandenborgensis fratris nostri, qui sabato ante diem beati Mathei apostoli diem clausit extremum, clarae recordationis, animarum remedium et salutem, matura deliberatione et sano secretariorum nostrorum consilio praehabitis indulsimus annuimus et consensimus, et nihilominus harum indulgemus annuimus et consentimus serie litterarum, ut ecclesia parrochialis seu praepositura in Lubbin memo- rata cum suis redditibus obventionibus iuribus honoribus consuetudinibus et pertinentiis universis, quibus vir honorabilis dominus Gebehardus de Buckansdorff eam possedit hactenus et adhuc possidet, per dominos . . episcopum et capitulum dictae Misnensis ecclesiae et alios, quorum interest seu interesse poterit, approprietur incorporetur uniatur et annectetur archidiaconatui Lusaciae supradicto per dominum Conradum praefatum post dicti domini Gebehardi obitum vel cessionem vel resignationem eius spontaneam pacifice et perpetuis temporibus possidenda, renuntiantes praesentibus iuri praesentationis, quod nobis et nostris heredibus in praepositura vel ecclesia Lubbin praenotata competit vel competere poterit in antca quovis modo de consuetudine vel de iure. Pro temporali tamen indultus et consensus huiusmodi beneficio remunera- tionis aut mercedem spiritualem assequi affectantes, conditionem talem in consensu eodem duximus apponendam, quod dominus Conradus saepedictus et quilibet ipsius in archidiaconatu praefato successor, sive praesens sive absens in Misna fuerit, anni- versarium progenitorum, nostrum, heredum et successorum nostrorum, die qua Ludo- wicus frater noster praedictus decessit memorata, et postmodum die obitus nostri et ultimo fratre nostro Ottone praenotato viam universe carnis ingresso, die mortis suae cum vigiliarum, commemorationis et missarum solempniis, pauno serico vel sericeo et candelis ad instar anniversarii canonicorum appositis consuetis et debitis, annis sin- gulis ibidem Misnae in ecclesia kathedrali peragi perpetuis temporibus procurabunt . Et ne super praemissis alicui dubietatis vel erroris scrupulum lapsu temporis oriatur, praesentem paginam sigillo nostro maiori duximus roborandam, praesentibus reve- rendo in Christo patre ac domino domino Henrico ecclesiae Lubucensis episcopo, strenuisque viris Petro de Trutenberg et Pylgerino de Sak militibus, Ottone Morner coquinae nostrae magistro, Conrado plebano in Kyritz, nostro notario cum cetcris pluribus fide dignis. Actum et datum Berlin, anno a nativitate domini millesimo

- 47

tricentesimo sexagesimo primo sexta feria in crastino Symonis et Judae beatorum apostolorum.

Nach dem Orig. im Stiftsarchiv zu Meissen mit dem Siegel des Markgrafen (ovales Fusssiegel) an einem Pergamentstreifen.

Laus. Magazin (1840) Bd. 18. S. 55 ff. — Riedel cod. dipl. Brand. II. Bd. 2. S. 438 f.