Conradus dei et apostolicae sedis gratia episcopus Misnensis universis et sin- gulis sanctae matris ecclesiae fidelibus salutem in domino sempiternam. Splendor paternae gloriae etc. Cupientes igitur, ut capella monachorum de Dobirlug situata et

COD. DIPL. sAE. II. 2. 18

138

fundata in civitate Luckow nostrae Misnensis diocesis in honore beatae virginis Ma- riae, corporis Christi et beatae virginis et martyris Barbarae necnon et Sigismundi patronorum dicta capella consecranda congruis honoribus frequentetur et ad eam causa devotionis providentia dei imploranda copiosius confluat populus Christianus, omnibus Christi fidelibus vere poenitentibus, confessis et contritis, qui praefatam capellam ora- tionis, devotionis aut peregrinationis causa frequentaverint seu visitaverint, in festivi- tatibus infra scriptis videlicet nativitatis, circumcisionis, epiphaniae, resurrectionis et ascensionis domini, parasceues et die coenae ac conceptionis, annunciationis, assumptionis, nativitatis Mariae et purificationis, nativitatis et decollationis Johannis baptistae ac beatorum apostolorum Petri et Pauli, Johannis, Jacobi, Thomae Bartholomaei, Philippi Jacobi, Symonis et Thadaei, Mathiae, Mathaei, Andreae, Lucae, Marci et aliorum apostolorum et evangelistarum sanctorumque Georgi, Laurentii, Vincentii, Steffani, Dionisii, Donati, Clementis, Mauricii sociorumque eius, decem milium militum mar- tyrum ac beatorum confessorum, Martini, Nicolai, Egidii, Allexii, Basilii, Gregorii, Ieronimi, Augustini, Ambrosii neenon sanctarum virginum Agnetis, Agathae, Ceci- liae, Katherinae, Margarethae, Barbarae, Dorotheae, Luciae, undecim milium virginum, Mariae Magdalenae, Elisabeth, Annae, inventionis et exaltationis sanctae crucis, pen- thecostes, commemorationis omnium sanctorum seu animarum, dedicationis seu patro- norum praefatorum dictae capellae festis, neenon et per octavas praedictorum festorum octavas habentium, singulis quoque diebus dominicis ipsam capellam accesserint, aut in ea missas, praedicationes aut alia divina officia audierint, aut qui ad fabricam seu cultum divinum capellae supradictae aurum argentum libros calices luminaria aut alia ornamenta ecclesiastica, aut pias elemosynas in rebus quibuscunque donaverint vel manus porrexerint adiutrices, aut aliquid quodcunque pro testamento legaverint, quando et quotienscunque praemissa, vel aliquid praemissorum fecerint seu impleverint, quadra- ginta dies indulgentiarum iniunctae ipsis poenitentiae de omnipotentis dei misericordia ac beatorum Petri et Pauli apostolorum eius confisi suffragiis in domino misericorditer relaxamus. In quorum omnium testimonium secretum nostrum praesentibus duximus appendendum. Datum Dobirlug anno domini MCCCLXXIII. sabbato ante domini- cam Oculi, in die videlicet beati Guberti.

Et nos Franko dei et apostolicae sedis gratia episcopus Lerossensis, gerentes vices in pontificalibus reverendi in Christo patris et domini nostri, domini Conradi episcopi ecclesiae Misnensis, addimus de nostro XL dies indulgentiarum et unum care- nam omnibus Christi fidelibus vere poenitentibus confessis et contritis, qui se exhibuerint ad praedicta, appendendo praesentibus secretum nostrum in testimonium super eo etc.

de Ludewig rell. mss. diplomatum I. p. 384 — 86.