Nos Johannes, dei gracia Boemie et Polonie rex ac Lucemburgensis comes, constare volumus, quibus expedit, vniuersis, quod nos affectantes, quod ciues et incole ciuitatis Wratizlauiensis assumptis disciplinatis moribus et facetis vnus al terum armis, cultello, ense, et gladio non offendat, . . consulibus ipsius ciuitatis, vt vniuersis ciuibus et incolis ciuitatis eiusdem ac singulis ipsam ciuitatem intrantí- bus cuiuscumque dignitatis, preeminencie, status seu condicionis existant, cultellos, enses et gladios ac arma alia qualiacumque inhibeant imperpetuum, omnesque eos, qui contra eorum inhibicionem dicta offendicula gestauerint, modo, quo eis expedire videbitur, punire possent et debeant, plenam damus et concedimus po- testatem.

2. Addicimus eciam ob specialem, quam contra ipsos ciues Wratizlauienses habemus, fauoris beniuolenciam, volentes, quod consules ciuitatis ipsius de quolibet curru ciuitatem ipsam Wratizlauiensem de ciuitatibus, oppidis et villis quibus- cumque intrantc uel accedente vnum denarium vsualem ibidem pro melioracione et reparacione stratarum et viarum pre mûris ciuitatis Wratizlauiensis existencium exigant et recipiant ad nostre beneplacitum voluntatis. In cuius rei testimonium presentes litteras fieri et sigillo nostro fecimus communiri. Datum Prage Kalen- dis Septembris anno domini millesimo trecentesimo tricesimo primo.

Mit dem Siegel des Königs.