VIII. 42 12. Wir gebin czu dem czwelftin mal czu rechte, daz welch snyder eyn lerknecht seczin wil, der sal en vordingin czwey gancze yar czu lernen, der selbe lerknecht sal ouch dy selbe czvt by em blybin, es en were denne, das daz redeliche sache hindirte enczwedir von des meysters adir des lerknechts weyne, czu welchir czit sy sich denne schydin; by dem ersten yare, so sal der lerknecht sich berychtin mit synem meyster noch der ozyt, als her en gelort hat. Welch lerknecht abir eyn gancz yar gelart hat, der ist synem meyster gancz Ion schul- dic czu gebin. Gesehe ouch daz, das eyn lerknecht bin den czweyn yaren, es were in dem ersten adir in dem andirn, wec lyfe ane redelich schult synes meysters, der sal synem mey ster gancz Ion vorrichtin, wo her daz nicht entete, so sal der meyster sine burgin manen; hat her abir nicht burgin vor daz Ion, so sal den selbin kriecht, ab her noch eczlichin yaren adir czyten her wedir queme, nymant seczin noch erbytin lasin, noch sin were gebin, is sy vf dem hantwerke adir vf eyn andirn, her en habe sich denne mit synem meyster berycht, daz em genuge. 13. Vbir alle dy vorgeschrebene saczunge vnd recht geben wir en vnd vorlyhen czu dem lecztin mal czu rechte, ab dy selbin vnse snyder keynerleyge recht ader saczunge her noch vndir en andir ertrachtin adir vindin mit rate der stat, daz erem hantwerke vromelich vnd nuczlich sy vnd der stat erlich vnd vugelicb, daz sy do mete er hantwerc von yare czu yare bessirn sullen vnd mogin. Vnd daz alle dy vorgeschrebene recht vnd saczunge stete, gancz vud vnbrochlich von en vnd von alle eren nochvarn ewiclich gehaldin werdin, des hab wir en desin bryf dorvbir lasin schrybin, den wir ouch in vnser stat quaterne czu eyme ewegin gedechtnisse habin lasin seczin mit vnser wyssin. Daz ist geschen vnd desir bryf ist gegebin an dem nehesten vrytage noch sante Jacobis tage des heylegin czwelfbotin in dem vorgeschrebin iare. Do by sint gewest dese erber geczuk, dy hernoch geschrebin sten: Kunad Knuwer, Andreas von Vlrichstorf, Herman Becker, Menczil Keyser, Cvnad Heyder, Rudil Herdan vnd Hensil Sydilman, dy schepphin. Ouch sint do by gewest Hannus Schonewebir, Heynich by dem tore, junge Tycze vnd Hanke Lubow, der webermeyster. Do ist ouch by gewest Heyne Steynmecze, der vleyscher meyster. Ouch sint do by gewest Frysche Schramme, Heyne Linke, Nyckil Gutyarvnd Hannus Schuler, der garnczuger mey ster. Do sint ouch by gewest Apecz Lyche vnd Menczil Boler, der becker meyster. Ouch sint do by gewest Nyckil Vredeberg vnd Hensil Grebin, der schuwortin meyster. Do ist ouch by gewest Nyckil Vlechsil vnd Tycze Kursener, der kursener meyster. Ouch ist do by gewest Pesch Helewic vnd Hensil von dem Nuwenmarkte, der snyder meyster, vnd an dir guter lute vil, dy alle eren willen vnd gunst dorczu gobin. 43