XLIX. Ordnung des der Stadt Schweidnitz verliehenen wöchentlichen freien Fleischmarktes vom 31. Mai 1374. Original im schweidnitzer Stadtarchiv II. JJ. 1. W ir Agnes, von gots gnaden herczoginne yn Slezien, frouwe von Furstinberg, zu der Sweidnicz vnd zu dem Jauwor, bekennen vnd tun kunt offenlich mit disem brieue allen, die en sehen, horen adir lesen, das wir haben angesehen, bedacht vnd zu sinnen genommen ar- mut, kummir vnd manchirley gebrechen, den vnsere armen leute gemeinlich vnser stat Sweidnicz von (leischkoufns wegen lange czeit biz doher swerlich geliden vnd geduldit ha ben, vnd haben mit woluorbedachtem mute vnd mit rate vnser getruwen manne vnd burgere, der wir vil dobei gehabt haben, sunderlich dorumbe, das wir hoffen, das dieselbe vnsere stat vnd di gemeinde doselbinst sich des vaste bessirn sulleu, vnd ouch mit rate, willen, gunst vnd vorhengnusse vnser . . ratlewte . . scheppfin vnd hantwerkmeistir gemeinlich doselbinst, der namen alle hernoch geschreben steen. Ratmanue: Petsche Stregon, Nickil Arnoldis- dorff, Hanke Probisthain, Girlich Tschecz, Hannos Hulferich vnd Nitsche Czacheris. Scheppfin: Petsche von Reichinbach, Hensil Symon, Petir Lekscheit, Petir Schonecromer, Hensil Swenkinflegil, Tile Weistericz vnd Petir Croschwicz. Cretschemermeistir: Nickil Blette, Petir Newdorff vnd Nickil Kowricz. Bowmeistir: Nickil Volkman, Heinrich Vnuor- czait vnd Kuncze Keil. Webermeistir: Michel Wederow, Jacob Girnot, Hannos Stolle vnd Albrecht Grobewolle. Fleischermeistir: Albrecht Gurrer. Garnczewgermeistir: Jekil Rulant, Michel Vlman, Nickel Lamprecht vnd Hensil von der Olsen. Kramermeistir: Hensil Breitnase vnd Nickil Dobelein. Sneidermeistir: Jekil Foytchein vnd Hensil Geltsch. Cziehe- nermeistir: Petir Nympscher vnd Heincze Swab. Schuwurchtinmeistir: Petsche Fedeler vnd Nitsche Stobener. Kursenermeistir: Hensil Smalcztasche. Weisgerbermeistir: Michel Scherrehobil. Beckermeistir: Franczke Bekker vnd Nickil Sebenstroczil. Kleinsmede vnd messirsmedemeistir: Petir Kalesmet vnd Hensil Freiburg. Visschermeistir: Nickil Fleischer vnd Nickil Weigil. Olslegermeistir: Petir Mowrer vnd Kuncze Weinman. Hakenmeistir: Hannos Karreumecher vnd Hannos Meyir vnd mit allir andir hantwerke willen, wie sie mit sundirlichen namen genant sein, gegeben vnd irlowt no vnd ewiclich der egenanten vnser stat Sweidnicz zu fromen, nucze vnd besserunge der ganczin gemeinden, das man doselbinst yn der stat sol vnd mag haben eynen ewigen freien fleischmarkt eynis tagis yn yczlicher wochen, vornemelich am sonnabunde den ganczin tag. 2. Was denne fleischis vfl den markt bracht wirdt, das sullen, die is brengen, desselben tages gar vorkouffin vnd nicht von dannen furen, nicht ynlegen vnd ouch den fleischern yn der stat gesessin nicht vorkouffin. Geschee do wedir icht, so sullen vnd mogen die rat manne der stat doselbinst, die iczunt sein odir yn kunfftigen czeiten werden, dasselbe fleischs, 73 das also yngeleget, wecgefuret odir vorkoufft wurde, lassin nemen vnd geben armen leuten yn das spitall odir wohin sie zu rate werden. 3. Ouch sullen die fleischere, die yn der stat gesessin sein vnde mit enandir ynnunge haben, ab sie an dem sonnabunde vff die benke nicht howen wolden, besundern vff schray- nen vnd nicht vndir andern fleischern, sundir an eynem sundirlichen orte ir fleischs vorkouffen. 4. Sundirlich wollen wir onch, das wedir disen brieff niemand werben sol heimelich odir offinbar, sundir er sal mit den gnaden, die er yn im beslewssit ewiclich vnuorruckit bleiben von vns, vnsern nochkomen vnd von allirmennegleich vngehindert. 5. Were ouch das sache, das yemant so vnsinnig odir so turstik were, der von seinir torheit wandilber fleischs, das leichte mit schelunge odir mit andire suche were beuallen gewest, zu markte brechte, dasselbe fleischs sullen ouch die vorgenanten . . ratmanne lassin nemen vnd sullen denselben, der das getan hat, bessirn, wie sie des zu rate werden. 6. Ouch gebieten wir vnd wollen das ernstlich bei vnsern holden, das niemand den an dern sol vordenken, feden odir obilhandiln mit Worten odir mit werken, bei namen die fleischere yn der stat gesessin andir fleischere odir andir lewte yn der stat, die sie leichte dorumbe vordenken, das sie dise sachin gef urit odir zu wege brocht hetten. 7. Niemand sol ouch die fleischere yn der stat gesessin obilhandiln. 8. Geschee abir, das dorch diser Sachen wille ymand den andirn obilhandilte mit wor ten cdir mit werken, denselben odir dieselben sullen die vorgenanten vnsere ratmanne odir ire nochkomen dorumbe bessirn, czuchtigen vnd wandiln vnd mit einem also schicken, das man is hernoch von andern obirhaben bleibe, vnd ab denselben . . ratmannen das zu swere worde, so sullen vnd wollen wir vnd vnsere nochkomen en des behulfen sein mit lleisse, das sie das fulenden mogen. Mit vrkunde dicz briefls, den wir mit vnserm grossen ingesigele vorsigilt haben lassen werden, der ist gegeben zur Swreidnicz noch crists geburt dreiczenhundert iar dornoch yn dem fiervndsebenczigstem iare an der nehsten methewache noch der heiligen dreiualdikeit tage, des sint geczeuge vnsere getruwen her Nickil Bolcz, vnser hofemeister, her Conrad von Reideburg, her Conrad von der Reibenicz, her Reyntsch Schoff, her Nickil vom Czeisk- berge, her Gunczil vom Lasan, Kunman von Seidlicz vnd her Petir von Nebiltschicz, vnser lantschreiber, dem diser brieff wardt beuolen, vnd andir vnser getruwen man vil. Das wohlerhaltene Siegel der Herzogin hängt an grünen seidenen Fäden. VIII. 10 74