bestätigt dem Kloster Dargun den Ankauf der Bede

und des Hundekorns in Vunnekow, behält sieh aber

die Ablösung gegen Erlegung von 612 Mk. sund. vor.

d. d. 1399, April 2».

Wy Albert van godes gnaden der Sweden vnde Ghoten koningh, hertoghe to Mekelenborgh, greue to Zwerin, to Star- ganle vnde Rozstok here, bekenne openbare an desme breue, wo \vi underwiset wurden van etliken vnser manne, dat dat hogheste recht an den dorpen vnde ghuderen, de deme godes- huze tu Dargun horen, de an vnsen landen ligghen, scholde to vnser berschop horen, des lete wi den gestliken heren God- 6calke, abbate to Dargun, vor vns vorboden mid sinen breuen vnde bewisinghen, des vunde wi nicht anders, men dat dat hogheste recht den heren to Dargun hort, alse se dat an erer bezittinghe hebben. Hir vmme so hebbe wi anghezen den truwen denst godes, de an deme clostere Dargun schud dagh vnde naoht vnde hebben em gestedeghet vnde vesteghet ere breue, de se vp de dorp vnde hogheste recht hebben, vnde willen ze v[ul]mechtich beholden,' vnde wi vnde vnse eruen edder nemant scal en dar ane hinderen edder wedderstal dun [to] ewigen tiden. Vortmer so hebbe wi vmme sunderger gunst willen vnde vnser zele zalicheit willen ghunt deme vor bereiten abbete to Dargun to losene bede vnde hundecorne an deme dorpe to Pennecowe van den Kerkdorpen, men wi vnde vnse eruen beholden dar ane suluen de losinghe; wen wi ouer edder vnse eruen dat losen willen, zo schole wi edder vnse eruen deme abbete to Dargun eyn half iar to vo

300

ren tozegghen, dar na wen he alle bede vnde hundecorne vp- gheboret heft, zo sehole wi edder vnse eruen em gheuen zus hundert mark vnde X.II mark sundes, de he den Kerkdor- pen dar vp dan heft, de denne to Rozstok ghenghe vude gheue syn, sunder vortoch, an eme summen. To bekantnisse hebbe wi vnse lutteke inghezeghel henghen laten vor dessen bref, de gheuen ys na godes bort druiteyn hundert iar an deme neghen vnde neghe■ntighestem iare, an sunle Marcus daghe. Tughe vnse leuen truwen: Werner van Axkowe, Nicolaus Le- wetzowe, riddere, her Karow, vnse Kentzeler, vnde vele mer vnses truwen rades.

Nach dem des Siegels beraubten Originale, auf Pergament, in einer {rrossen, fetten Mmuskel, im grossh. nn.kl, Geh. und Haupt.AreMre au Schwerin; die Dinle liegt lose auf und isl au vielen Stellen ubgafallen und dadureh die Sehrift undeutliuh geworden.