592. 17. Juni 1367. Heidelberg. Thymo des alten Schultheißen von Dorn stetten Sohn bekennt, daß Pfalzgraf Ruprecht das Recht habe, mit 250 Pfd. Heller Schönbrunn ?c. von ihm zu lösen. Ich Thymo des alten scholtheißen son von dorrensteten bekenne für mich vnd alle myn erben Vnd tun kunt allen Luten die disen brief horent, sehent oder lcsent, wann daz ist, daz der Hochgevorn fürste vnd here, here Ruprecht der Elter . . pfaltzgraue by Ryn, des heiligen Richs obrister druchsezz vnd Hertz og in Beyern, myn gnediger her, oder sin Erben oder ir amvtlute von irem geheiße mir oder mynen Erben, viertzehen dag vor sant Martins dag oder viertzehen dag darnach pietent gebent vnd bezalen wollent drittehalb hundert pfunt Haller guter vnd genemer ane geuerde, dar für mir Schonnebrunne daz dorff mit siner Zugehorunge vnd drützehen pfunt Heller gelts mynre fünff schilling off dem vn gelt zu Bolach in Pfandes mise von yme Jnne stend, Tie drittehalb- hundert pfunt Heller sollin ich vnd myn erben zu stund ane fürzog von yn nemen vnd sollen yn daz dorff Schonnebrunne mit siner zugehorunge vnd die druzehen pfunt Heller gelts mynre fünff schilling als fürgenant ist, Vnd ouch den brief den ich von dem obgenanten myme Hern dem Hertzogen darüber haben, ledig vnd loz wider antworten ane alle Hindernisse fürzog vnd geuerde vnd geloben daz felb mit guten truwen vor mich vnd myn Erben in aller maße alz fürgeschriben stet «est vnd stete zu Halden, doch sol graue burcharts von Hoenbergs smester, die zu Rüthy in dem Closter ist, «erliben by irm gelt daz ir derselb graue burchart bevor vß zu Schonnebrunne gesetzit hat, alz ir brief sprechent ane geuerde. Des zu orkund geben ich thymo fürgenant für mich vnd myn Erben dem obgenanten myme gnedigen Hern Hertzogen Ruprecht dem Eltern vnd sinen erben disen brief versigelt mit myme anhangenden Jngesigcl, Geben zu Heidelberg des nehsten dinstagis nach dem sontag Cantate, Nach Christi geburthe drüzehenhiniden I« darnach in dem siben vnd sehtzigsten iure.