W y Walrauen van deme Duuenze en ridder, vnde Walrauen en knape, || des suluen ridders sone. Bekennet vnde betiighet openbare in desser j| scrift, dat al schelinghe, twidracht eder vnmod, den wy vnde ¡¡ de vse hebben gehad ieghen de erbaren manne, de heren de raadman to Lubeke, vnde ere stad vnde borghere, van der weghene, dat ere gesinde dar mede was, dat vse veste vnde hus tome Duuenze ghebrand wart, eder de van anders ienigherhande stùcke eder sake weghene twischen vs vnde en ghewesen heft wente in dessen dach, vruntleken vorsonet, endet vnde wechgheleghet is degher vnde allómale, also dat wy en danket vlit- leken, vnde se eren vnde vorderen willen, wor wy kûnnen vnde moghen, mit alle den, de dor vsen willen don vnde laten willen. Vnde were dat yemende se vmme dessen brand der vorbenomeden vesten vnde huses schuldeghen wolde, dar scole wy se van entweren, alse wy to ener openbaren betughinghe desser stucke vse ingheseghele hebbet ghehenghet laten to dessem breue. Gheschen vnde gheuen to Lubeke, na der bort Godes drûtteynhundert jar in déme souenvndeverteghesten jare, des Dúnredaghes na Twelften.

Л'аеЛ dem Originale, auf der Trese. mit anhängenden beiden wohl erhaltenen Siegeln.