OCCXXVIII.

Vniuersis et singulis, ad quorum intuitum seu auditum deuenerit presens scriptum, Nos scabini et Consules opidi herderwic notum esse cupimus, publice profitentes || in hiis scriptis, quod, conparentes coram nobis discreti viri Theodericus, petrus et Johannes, dicti paedze, nostri coopidani dilecti, recognouerunt sponte et exj|presse, se suo omniumque aliorum, quos presens concernit negocium, nomine recepisse ac pro sua contentiua voluntate bene percepisse a dominis Consulibus ciuitatis || lubicensis et Consulibus ciuitatum pruscie ducentos aureos pro lignis suis constitutis anno nouissime pertransito, circa pascha, super terram gellandie, ac ibidem tunc per homines exercitus Ciuitatum maritimarum, tunc ibi presentes, conbustis et ablatis: tenentes se de hiis bene pagatos et contentos, dimiserunt ac per presentes litteras dimittunt pro se et omnibus, qui in dictis lignis partem aliquam habebant, et pro eorum heredibus, dictas Ciuitates Lubicensem et pruscie, ac omnes alias ciuitates, quarum homines tunc super gellandiam fuerunt, et earum omnium ciues, stipendiarios, familiares et homines quoscunque de premissis Iignis, et ab omni actione qualicunque perpetuo liberos, Immonitos, quitos et solutos. Vnde pro premissis firmiter, et sicut id idem heyno de hierde et petrus paedze, nostri consulares, nostro nomine placitauerunt, obseruandis promisimus ac presen- tes absque dolo, sincere firmiterque promittimus pro nobismet ipsis, pro successo- ribus nostris, pro uniuersitate nostra, pro dictis Theodorico, petro et Johanne, dictis paedze, nec non pro omnibus aliis, quorum interest, et pro eorum omnium heredibus, ipsis dominis Consulibus Ciuitatum lubeke, terre pruscie et aliarum ciuitatum maritimarum, quoruin interest, quod nulla iterata monicio, vlterior impe- ticio ac aliqualis alia noua actio ipsos, eorum stipendiarios, Ciues, familiares, homines ac alios quoscunque, quorum interest, subsequi debeat quolibet in futurum pro lignis predictis ac occasione interesse eorundem, Volentes eos pro nobis et successoribus nostris, ac pro omnibus nostratibus et eorum heredibus inde per- petuo seruare liberos et indempnes. In quorum omnium euidens Testimonium et robur magis ualidum sigillum nostri opidi predicti duximus presentibus appenden- dum. Sub anno domini millesimo Trecentesimo.

1300. 661