XXI.

Ludewicus dei gratia Romanorum rex semper augustus uniuersis presentes literas inspecturis gratiam suam et omne bonum . ad universitatis uestrae notitiam volumus per- venire, quod nos, attendentes grata et fructuosa obsequia, quae nobis et imperio illustris Joannes Boemiae et Poloniae rex, princeps noster dilectus, iam dudum exhibuit et impendit ac impendere poterit in futurum, nec non graves expensas et labores varios, quos susti- nuit circa nostram promotionem in regem Romanorum; promittimus eidem bona fide tenore presentium, quod nos, toto posse nostro, contra omnes homines assistemus in suis regnis, dominiis aliis, honoribus et iuribus quibuscunque habitis ac juste ac racionabiliter habendis ultra Renum, et citra quandocunque et quotiescunque fuerit necesse retinendis et etiam his recuperandis et adipiscendis, quae ad ipsum et dicta regna et dominia debent et consue- verent pertinere, ac specialiter omnia castra, terras, possessiones, dominia et iura que umquam possedit divae memoriae rex Wenceslaus socer suus, ubicunque fuerint, dum uixit in partibus Poloniae, Cracoviae, Misnensi et alibi ac promittimus et efficiemus pro posse nostro quod idem rex Boemiae eisdem pacifice gaudere valeat et eum in iisdem tuebimur ac ea sibi concedemus in feudum ac defendemus insuper omnia privilegia sibi et suis praedecessoribus in regnis et dominiis antedictis, coniunctim vel divisim concessa et indulta, omnes gratias donationes et libertates a regibus seu Romanorum imperatoribus factas innouamus et praesentibus confirmamus, promittimus etiam si contingat, ducem Lo- tharingiae, Brabantiae et Limburgiae consanguineum dicti regis Boemiae decedere, liberis proprii corporis non relictis; quod nos eidem regi Boemiae in ducatibus antedictis, cum eorum iuribus et pertinentiis adipiscendis et retinendis, sicut proximiori duci toto posse nostro, contra omnes homines assistemus et in omni alio dominio, in quo successor suus legitimus deberet succedere et de eisdem ipsum regem infeodabimus ac omne ius, quod nos ratione imperii possemus petere, in dicta successione eidem regi Boemiae liberaliter remittemus. Item promittimus, quod nos ipsum regem nec ultra montes nec citra ad parla- mentum vel expeditionem nostram, privatam vel publicam sine eius voluntate ire cogemus ultra privilegia sibi vel suis praedecessoribus a divis Romanorum regibus seu imperatoribus concessa, nec propter hoc offensam nostram incurret vel indignationem. Item promittimus, quod ipsum regem Boemiae, nobiles, vasallos, castrenses, ministeriales, cives, oppidanos et quoscunque subditos ecclesiasticos et saeculares suos regnorum suorum et dominiorum ser- vabimus et tuebimur per sacrum imperium in libertatibus, bonis consuetudinibus et statutis suis huc usque per eos habitis et usitatis, et quod nulluni ex praemissis ad iudicium curiae nostrae evocabimus nec evocari permittemus, quamdiu idem rex querelantibus de eis paratus fuerit, facere iustitiae complementum. Item promittimus procurare et efficere pro posse

385

nostro, quod dux Austriae omnes literas, quas habet, uirtute quarum aliquod ius sibi posset uindicare in regno Boemiae uel eius appenditiis, aut in nobilibus civibus et incolis dicti regni restituet, quas etiam vivente domino Henrico Romanorum imperatore bonae memoriae reddere promisit. Item promittimus procurare et efficere pro posse nostro, quod Rudolphus, dux Bauariae germanus noster omnes literas obligationum et promissionum, quas habet et habuit ab eodem rege et venerabili Baldewino, Treverensi archiepiscopo, principe nostro dilecto, sigillis eorum sigillatas occasione promotionis faciendae de eodem rege Boemiae in regem Romanorum per ipsum ducem restituet. Item cum dux Austriae teneat in Morauia quasdam terras videlicet Znomam castrum et oppidum et Boarlicz oppidum, cum eorum pertinentiis pro certa pecuniae summa obligatas et quaedam pars dictae pecuniae sit soluta, promittimus dictum ducem ad hoc inducere, ut dictas terras castrum et oppida cum eorum universis attinentiis eidem regi restituet, mediante summa pecuniae, ut tenetur. Item pro mittimus, quod summas pecuniarum promissas et adhuc solvendas nobilibus viris Ger. co- miti Juliacensi, Adolfo comiti' de monte et Ottoni de Kük a dicto rege Boemiae occasione suae promotionis in regem Romanorum eisdem persolvemus iuxta suarum continentiam lite- rarum a dicto rege Boemiae ipsis concessarum et eidem dictas literas suas obligatorias super dictis pecuniarum summis datas literas restitui procurabimus et faciemus. Item obli- gamus sibi pro decem millibus marcarum argenti terram Egrensem et castra Vlos et Bar kenstein cum omnibus regalibus dominiis mero et mixto imperio, fructibus, reditibus, iuribus et aliis quibuscunque pertinentiis pro expensis factis per eundem occasione promotionis nostrae in Romanorum regem, quousque sibi aut suis heredibus de dicta summa integre fuerit satisfactum percipiendis sibi et heredibus suis in sortem minime computandis. In quorum omnium testimonium has literas sigillo maiestatis nostrae regiae iussimus communiri. Datum Coloniae II nonas Decembris anno domiui millesimo trecentesimo quartodecimo, regni vero nostri anno primo.

(E litera recognit. Balduini. archiepiscopi Treverensis de anno 1335, cujus orig. in archiv. C. R. Aul. Vindobonte servatur, communicavit Dr. Fr. Palacky.)