Ik JgertltCH JHOltiatt knape wönaftich to Wendeschen Trechow in der voghedige to Butzowe,

des stichtes to Zwerin, bekenne vnde betüghe äpenbäre in desseme breue, dat yk na räde vnde vulbort vnde na gantzem willen myner brotlere alze <&lrifU0 vnde üHJatUJUatÖCS ök »behüten iHoüjaUC hebbe vorkoft vnde vorköpe yeghenwardighen in craft desses brßues to eneme ewighen koften köpe den erliken heren vnde vörsichtigen mannen heren Johanne Lunowen döm- heren vnde deme gantzen capittele to Butzowe vörbe- nömet, de nu yeghenwardighen zyn vnde in tökömenden tiden in godes gnaden tökömende werden, Ghert Gantz- cowen, Hermen Lubetzin, borghermesleren, vnde deme ganzen räde der stad to Butzowe vnde allen eren nakö- melinghen twe vnde druttich lubesche mark gheldes yärliker ghulde an güden penninghen, alzo to Lubek vnde to der Wismer ghenghe vnde gheue zynt, to den alemissen bischop Hinrikes zäligher dachtnis.se, wan- daghes bischopes to Zwerin, to veer tyden in deme yäre den armen to gheuende, nach ütwisinghe des ble ues, de där ys vp gheuen, an myme dorpe to Wen deschen Trechow erghenömet, alzo an myme houe, där yk vppe wöne, vnde den huuen, de dar to lig- ghen, vnde an allen burhouen vnde bürhuuen, an köten vnde an mölen, an holtinghen vnde an zee, an wischen vnde an weyde vnde an al myneme redesten güde be- weghelik vnde vnbeweghelik, vor veerhundert lubesche mark der vörschreuenen güden munte, de ze my to der nughe beret vnde to danke betälet hebben vnde de yk vort an myne vnde myner brödere nut ghekeret hebbe. Desse vörschreuene twe vnde druttich lubesche mark gheldes scholen de vörbenömeden heren deken vnde capittel, borghermestere vnde rätmanne vnde alle ere nakömelinghe alle yär vppe sunte Mertens dagh vp

boren vnde sunder afslach afmänen vte deme vörbenö- meden dorpe Wendeschen Trechow vte myme houe, vte myner mölen vnde vt allen burhouen vnde huuen, de dar to ligghen, vnde vt allen köten, van allen huren, de där nu wönen, vnde van al eren nakömelinghen van dem alderersten vnde rüdesten, dat dar vtkumpt edder vtkömen mach, nummende dar anders antowisende edder wat to hörende, noch yk, noch myne brödere, noch yumment van vnser weghen, äne desse vörbenö- meden heren deken vnde capittel, börghermßstere vnde rätmanne hebben ere twe vnde druttich lubesche mark gheldes dar degher vnde gantz af to hüs. Ok möghen de erbenömeden heren deken, capittel, borghermestere vnde rätmanne desse vörbenömede gulde panden edder panden läten vt deme gantzen giide to Trechowe vör- benömed vnde alle zyner töbehöringhe, alze vörschreuen ys, zo väkene vnde vele, alze en des nöt vnde behüf ys, vnde de pande vuren edder driuen to Butzow in vnde vorköpen de alze vorvolghede pande vnde nemen ere reden penninghe mede vnde dar schal vnde wil yk myt mynen bröderen vnde mit vnsen eruen vnde eren nakömelynghen tö helpen vnde nicht ane hinderen; worden ze öuer ghehindert van myner weghen, my ner brödere edder vnser eruen, wes schaden vnde koste ze dar äuer nemen vnde dön, den wille wy en vnde eren nakömelinghen gantz to der nSghe vorbüten. Ok möghen ze desse vörbenömede ghulde mänen myt ghestlikem rechte, alze myt banne, alze em dat euenst kumpt. Vnde yk schal vnde wil desse vörbenö- meden gulde vordenen van vnseme heren van Zwe- rin like myme anderen güde. Ok hebben desse vörbe- nömeden heren deken vnde capittel, borghermestere

vnde rätmanne my vnde mynen eruen gheuen vnde

ghunt den wedderköp desser erbenömeden ghulde —

— — — —. Alle desse vörschreuene stucke vnde

articule vnde en yewelik besunderghen löue yk "fätvnxttl

vörbenömed mit mynen bröderen {&lvii£t vnde

SatttJUatflC vnde mit mynen eruen vnde mit mynen

trüwen medelöueren: Bertolt Prene to deme Hermens-

haghen, Hinrik Bonsak to der Moysallen, Henneke

Molteke to der Nygenkerken, Hinrik Barnecowen to

Camptze vnde Henneke Molteken to Beltze: wy allen

Ionen myt vnsen eruen mit ener sämenden hant den

vörbenömeden heren Johan Lunowen dekene, dömheren

vnde capittele der korken to Butzowe erbenömed, de

nu yeghenwardigh zyn vnde hir na tökömende werden,

Ghert Ghantzcowen, Hermen Lubbetzin, borgherme-

steren vnde deme gantzen räde der stad to Butzowe,

vnde alle eren nakömelinghen vnde den yennen, de

dessen bref hebben mit ereme edder erer nakömelinghe

willen, ze zyn ghestlik edder werlik, in guden truwen

stede vnde vast to holdende, sunder yennegherleye in-

toch, hulperede edder arghelist, vnde hebben des to

tüghe vnde to gröter witlicheit vnser alle inghesegele

mit unser witschop vnde mit gantzen willen ghehenghen

läten vndfc hßten vör vnde an dessen bref, de gheuen

vnde schreuen ys na godes bört veerteyenhundert yär

dar na in deme vif vnde drutteghesten yäre, des myd-

wekens in deme hilghen Paschen.

0*. nancfctofarOi . moUjan.J

Wy Hermen van godes gnäden bysschop tu Zwerin bekennen vnde betüghen öpenbär in desseme br£ue vör vns vnde vnse nakömelinghe vör allen den yennen, de ene zeen edder hören lesen, dat desse cöep, alze de bref, där desse vnse ißghenwaidighe brßf tAhenghet, vthwiset, is scheen na vnseme räde, willen vnde vul- börd, vnde wi vor vns vnde vnse nakömelinghe vul- börden vnde beleuen den vörscreuen cöep in craft desses breues, doch vthgenömen wör wi vnde vnse naköme linghe vnde vnse kerke tu Zwerin recht ane zint. Tu groter bewäringhe vnde löuen hebbe wi vör vns vnde vnse nakömelinghe vnse inghezeghel witliken henghet läten vnde heten vor dessen breff, ök in den anderen

75

bref ghehenghet. Gheuen vnde screueii na godes börd verteyenhundert iär där na in deme viuevndedruttighe- sten iäre, des midwekens in deme hilghen Paschen.