Otto dei gratia Ecclesie Patauiensis Episcopus Vniuersis christi fidelibus hanc litteram inspecturis Imperpetuum. Ne ex obliuione aut calumpnia uel propter decursum temporis, que sub tempore acta fuerint, transeant in errorem, litteris et scripture testimonio roborantur. Cum itaque habeamus fiduciam nobis proficere ad consequenda premia eternorum, si per nos loca deo dicata, in quibus persone deuote sub habitu religionis famulantur domino iugiter, receperint incrementa ac in eisdem per nos tamquam patremfamilias in cultvra dominica sollicite operantem diuina obsequia ad Laudem creatoris et salutem christi fidelium augeantvr ecclesie, ad instanciam et petitionem dilectorum in christo fratrvm friderici prepositi et Conuentus sancti Johannis Euangeliste in Walthausen pensatis eiusdem Ecclesie diuersis defectibus, quos tam per incendia tum etiam maliciam hominum passa est, de consilio nostri Capituli et voluntate ipsis in subsidium prebende sue Ecclesiam in Mitterchirchen, cuius tamen ius habebatur primitus patronatus, pleno iure contulimus perpetuo possidendam fructibus ex ea prouenientibus in usus fratrum necessarios redactvris (sic) salua tamen prebenda sacerdotis in dicta Ecclesia pro tempore ministrantis, quam nos et quilibet successorum nostrorum moderare tenebimur, ut uiderimus expedire, iure quoque omnium successorum nostrorum nec non Archidyaconi et Decanj, ut iustum fuerit, ibi saluo. Et ut salutaris huiusmodj nostra donatio permaneat de cetero inconvvlsa, presentem paginam nostro et Capituli nostri sigillis in testimonium iussimus conmunirj. Datum patauie Anno domini M.CC.LVI. Nonis Aprilis, Pontificatus nostri Anno Tertio, Indictione Quarta decima. Ego Meingotus prepositus subscribo. Ego Albertus Decanus subscribo. Ego Dietzo Scolasticus subscribo. Ego magister Gotfridus Tumplebanus et Archidyaconus subscribo. Ego Magister Johannes subscribo, Ego Heinricus Custos subscribo. Ego Poppo Vicedecanus subscribo. Ego magister Hertwicus subscribo. Ego Otto Cantor subscribo. Ego vlricus de Steyr subscribo.

Source Fulltext: OÖUB 3 (Wien 1862) S. 226-227, Nr. 235