Ich Matz dev Tanprvhkerinne tv^een chunt alle den, die disen prief sehend eder lesen ho^ernt, Daz ich gegeben han dem erbern mann Hern Laurentzen dem pfarrer datz Mvnspach vnd seinem Gotshavss durch got vnd auch vmb siben pfunt phenning wienner mv°ntz, der ich gaentzlich pin geweret, sein hofstat mit alle dev vnd darzv^e geho^ert, dev ze nast leit vnd sto^ezzet an den phfa^errhof, dev mein recht chauf aigen was, vnd ist auch Pv^erchrecht in den Marcheth ze zwain phenning alle jar an sannd Laurentzeutag vnd sol auch ich des selben Pv^erchrechtcs des selben gotshavss gwer sein nach lands recht vnd sol auch daz der vorbenant Her Laurentz oder swer nach im datz Mvnspach pharrer ist, haben auf alle dev vnd ich han in diser Gegend in v^erbar, versu^echt vnd vnversv^echt. vnd darvmb, daz disev wandlung staet vnd vnzerbrochen beleib, gib ich dem vorgenanten Hern Laurentzen vnd dem vorgenanten seinem Gotshavs datz Mvnspach dise Hantvest versigelt mit meins herren Insigel Hern Johansen von Chappelln, der ze den Zeiten obrister Lant Richter was in dem Machlant, vnd auch mit meins herren jnsigel Abbt Christans, der ze den zeiten Abbt was datz Povmgartenperig, wand ich selb nicht jnsigels han. Des sind gezevg Her Marquart von Osterberch, Her Chunrat von Vlachenek, Her Hertneid von Chvlevb, Her vreytel von Winthag, Hainreich der ynzinger, Hainreich der vleischoeszz, Herword der vrey, Wetzel von oerbing vnd darzv manich pidber man. Diser gewerft ist ergangen vnd auch diser prief gegeben, da von Christes gepv^erd ergangen waren drevtzehen Hvndert Jar vnd darnach in dem fv^emfzehenden Jar an vnserr vrowen tag ze der schydung.

Source Fulltext: OÖUB 5 (Wien 1868) S. 150-151, Nr. 153