In Christi nomine amen. Nos Wisento diuina miseracione Prepositus, Vlricus Decanus Totusque Conuentus Monasterij Walthausen. Ordinis sancti augustini canonicorum Regularium Patauiensis dyocesis ad perpetuam Rei memoriam. Cum secundum apostolum, qui altario seruiunt, viuere debeant de altari et qui ad onus eliguntur repelli non debeant a mercede, iustum ac rationi consonum fore dinoscitur, vt quod pro conmuni vtilitate ac necessitate donatum est, propriis cuiuscumque non applicetur vsibus sed iuxta qualitatem indigencie cedere debeat in conmune. Sane Reuerendus in christo pater et dominus noster dominus albertus Patauiensis Episcopus noster dyocesanus necessitates Monasterij nostri oculo paterno considerans nobis conmuniter ac Monasterio nostro de consensu sui Capituli donauit, incorporauit, appropriauit et vniuit Ecclesiam parrochialem in ... . cum Capella Sancti Thome eidem subiecta et omnibus earundem facultatibus, redditibus et prouentibus, prout ex littera ..... euidenter apparet. vt igitur, quod per ipsum et capitulum suum pia deuocione pro necessitate conmuni factum est in hac parte pr ... nos studio partiamur, diligenti ac matura deliberacione prehabita taliter duximus ordinandum, vt Rector Ecclesie et Capelle prenominate, qui pro tempore fuerit, Camere nostre, de qua vestes ministrantur fratribus, pro melioracione habitus, qui saltem in Cappis hactenus vilis ac minus vtilis fratribus extitit, x. libras denariorum wiennensium in subscriptis terminis videlicet in die dedicacionis capelle sancti Tho\vme, que in dominica, qua cantatur vocem jocunditatis celebrari consweuit, vi libras, jn die beati vdalrici ij.as libras, jn die Sancti Michahelis ij.as libras annis singulis integre ac sine diminucione qualibet soluere teneatur, Residuum vero totum, quod tam de Ecclesia quam de capella quodcumque vel qualitercumque vltra congruam sustentacionem Rectoris et supportacionem Canonicam onerum obuenire poterit, ad vsus prepositure deueniat, que tam in edifficijs quam in aliis necessitatibus exterioribus et interioribus sustentat onera grauiora. In quorum testimonium et firmitatem perpetuam predictam nostram ordinacionem conscribi fecimus nostrorumque videlicet prepositure et Conuentus sigillorum appensione firmiter roborari. actum et datum in Monasterio nostro Anno domini m°. ccc°. xxxj. xv. kalendas Octobris.

Source Fulltext: OÖUB 6 (Wien 1972) S. 34f., Nr. 29