Wir Albrecht von gots gnaden Hertzog ze O^esterreich, ze Steyr vnd ze Chernden Tu^en chunt offenlieh mit disem prief Vmb die Vogtey vnd recht, so die erbern geistlichen leut ... der Probst vnd ... der Conuent von Walthusen auf etlichen irn gu^etern von vnserm getrewen Chunrad von Tyrnstayn gechouft habent, als er in dar v^eber sein prief geben hat, Daz vns derselb Tyrnstayner dieselben Vogtey vnd recht, so er dar auf gehabt hat, ledichleich aufgeben hat mit seinen priefen. Vnd sein wir fu^erbaz der egenanten geistlichen leut vnd dez Gotshauses ze Walthausen v^eber die gu^eter rechter Voygt mit vrchv^ende ditz priefs. Geben ze Wienn an Phintztag nach sand Peternellen tag Anno domini Millesimo CCC° Quadragesimo quinto.

Source Fulltext: OÖUB 6 (Wien 1972) S. 519, Nr. 515